أحداث ليلة لبس الذهب

السلام عليكم ، شخباركم ؟

منورين الموضوع ^^ ..

حبيت اليوم انقل لكم احداث ليلة لبس الذهب .. واللي تتسمى ليلة الحنا.. ( ليلة حنتي ) .. ^^

أولا بتكلم عن المكان والزمان ..

المكان : بيتنا المتواضع الكائن ف الشارجه ..
الزمـــــان : يوم الخميس الموافق 53م

الكوشــــه :
كوشتي كانت عباره عن مريحانه .. ورا المريحانه قطعه مخمل ونازل منها كرستالات على شكل لاينات .. واااااااايد كانت حلوه و راقيه ولون الكوشه ذهبي .. واخترت هاللون عشان ابين يوم ايلس ع الكوشه .. لأني ثوبي لونه اخضـــــــر .,,وسعر الكوشه 2024 درهم من محل الفقير ف الشارجه

الثوب :
ثوبي كان لونه اخضرغامج شغله كله بالذهبي كان واااااااااااايد حلو .. ومع لبس الذهب عليه كااااااان رووووعه ..

الذهب :
اجرت الذهب1500 من وحده وكان عباره عن طاسه ومريه عوده ومرتعشه وحزام وكفوف وحيووول والذهب يديد ما كمل سنه عند الحرمه يعني كل شي كان حسب المطلوب .. ^^

الميك آب :
اتمكيجت عند خالتي .. << خالتي اتمكيج .. المهم .. طلعتني وااااااايد حلوه ..
الحمدلله كنت راضيه عن نفسي وايد .. ^^

البوفيه :
سويت البوفيه عند الطاوله الحمرا ف دبي .. كان الأكل لذيذ << بس ما جربه ف عرسي كنت جربتنه قبل .. المهم الكل عيبه الأكل ..
سويته حق 150 شخص مع الطاولات والكراسي والخدمه طلع علي 10000 ..

وف النهايه اسمحولي .. كان ودي احطلكم الصور بس الصوركلها عند خالتي ..
ان شاء الله يوم باخذها بحطها لكم .. ^^

ترقبوني عن جريب ف الجزء الثاني في احداث ليلة عرسي ,, ^^

تحياتي وأشواقي
Lulu

..