يا المالجات وحتى المعرسات كيف استقبلتي ريلج في اول زياره؟؟وشو كانت اول هديه لريلج؟

السلام عليكم بنات شحالكن؟

المالجه والمعرسه حديثا او قديما اباا خبراتكن

انا توني مالجه والاسبوع الياي ريلي بيي يزورني

اول زياره له..فأفكر اعطيه هديه بس محتاره شو اعطيه

وسؤال ثاني :كيف اتعامل معاه بما انها اول زياره وشو اسويله

يعني مثلا اطلب من المطعم ولا اناا اسوي الاكل ؟والله محتاره

بنات خبروني بتجاربكن عشان المالجات وللي بتملج تاخذ فكره

.
.

ووو إذا ياج وقت العشا سويله شي بسيط … بس اذا عالعصر سويله سويت حلو وعصير أو نسكفيه
لاتبالغين وايد

واتكشخي

والهديه خليها لعقب خليه هو يبادر أحسن ,,وانتي سويله اكله خفيفه بيستانس لو انه انتي اللي مسويه^^

بس نفاجئ بعض

يعني اخذه عطور وسوع وبزم جي هالاشيا باريس غاليري وغيرهم

حتى الاماكن العاديه اي شي يعيبني اخذله

شوفي حتى لو ورده بس تعطينه بيستانس

وانا اسويله باقات ومرات اعطيه بس ورده حمرا جي اي شي

يعني اخذله الاغراض ووديهم يحطونهم بين الورود ويزينونهم ويغلفونهم

واكثر شي اخذله عطور لان يقول احب ذوقج وانتي اللي ابيج تختارين لي العطور

وكل مره انوع له بشي

بس اول مره سويت له

باقه جي فيها عطور وبزمه وماذكر اظن ساعه بعد

وسويت له علبه روحها وكتبت كلام جي فالكمبيوتر يعني كل جمله ف سطر

وطبعتهم وقصيتهم

وحطيت كل الكلام اللي ف خاطري له في هالعلبه

وايد وايد استانس عليها

وكل مره يقعد يختار ورقه ويقراها لي مره دوري وره دوره

بس الكلام يكون كله موجه له طبعا وهو عاد يلعب معايه جي

وعن الاكل الصراحه امي طبخت له لاني ماعرف شي ابد

بس تعلمت الباستا لان يحبها وبسويله وهو يتريا

يعني شوفي هو شو يحب ساليه حتى لو تسوين له انتي وايد بيستانس ترا