السلام عليكم ورحمة الله وبركاتة
بنات شخباركم عساكم طيبين .. انا حجزت عند الماكيرة امنة الحوسني مكياج وتسريحة … بغيتكم تفيدوني اذا عندكم فكرة عن هالماكيرة اذا فنانه ومكياجها حلو او لا.. طمنوني الله يخليكم.. والي مخوفني اني حجزت من غير عربون قالت بييج لاتحاتين بس انا خايفه قبل المناسبه تقولي ماقدر ايي .. شورو عليه بنـــــــات
وشي ناس مدحولي صالون ماغي .. وشي ناس قالولي مرام الي حذال البحيرة
شو رايكم انتو الي مجربه تخبرني الله يخليكم
ولكم مني ارق التحايا
أختي الظاهر أنج من الشارقة صح ؟؟ .. إذا كلاميه صح ليش ما تحجزين عند هيفاء صفر وااااااااايد يمدحون مكياجها …
و بالتوفيق الغالية .
احجزي عند عذوب مكياجها رووووعه ولو تبين رقمها راسليني ع الخاص
حبيتي اتوكلي على الله اتمكيجي عندها انا بعد حجزت عند نجلاء النعيمي واااااااااااااااااايد ذموها حتى اول بادي احترت وخفت قلت بغير بس عقب كل بتوكل على الله لان كل ماكيره واستايلها وحلو الواحد ايغير
بس لازم تعطينها عربون عشان تظمنين الحجز … والاضمن انج اتسوين بروفه عندها عشان تطمنين
وبالتوفيق غناتي
احجزي عند منى الحمادي مكياجها رووووعه والله انا حجزت عنها فعرسي ان شاء الله
ولو تبين رقمها راسليني ع الخاص
بنت اختي فعرسها حاطه عن منى الحمادي ما شاء الله والله رهييييييييبه
بنات بصراحه انا راسي افتر كل وحده تقول وحده كيف راعية الموضوع
هي حجزت وتبا مشورتكن
اختي توكلي على الله ودامج اخترتيهن هالثنتين روحي عندهن
فديتج الحلوه سواء راحت عند هيفاء ولا منى ولا نبيله ولا مرام ماااتفرق معاها
والسمووحه بس انا جربت كذا وحده وكلهم يطلعوني نفس الشي خخخخخخخخخخخ
واكيد العروس اي صاالون رااحتله لااااازم يظهرونها حلوه باذن الله
والف مبروووك فيدتج
والله يا بنات حيرتوني ماعرف شو اسوي ياربي… يعني امنة الحوسني مب شي مكياجها؟؟
يعني انا مابغي مكياج كثيف تدرون انتو ملجه وشي بسيط مابغي وايد اثجل فالمكياج.. اذا تعرفون وحده تسوي شي رقيق وحلو في نفس الوقت انصحوني بنات بالشيمه