السلام عليكم خواتي ..
ادري وااايد اتطلب اليوم أنا بس فديتكم لا تبخلون عليي بأفكاركم الحلوة ..
عرس أخويه قريب :12 (12): .. عقب أسبوعين و بغيت فكرة يديدة لطلعة العروس ..
يعني قبل 4 سنوات (خيبة غباااار .. كح كح :1 (19): ) أخت مرت أخويه دخلوها على الناس بعربانة سندريلا .. وسووا لها جو روعة في القاعة ..
يعني بغيت من هذي الأفكار الجهنمية .. الله يخليكم اعطوني أفكاركم الحلوة خلال هاليومين علشان يمديني أجهز ..
أن في انتظار الردود فديت روحكن
وسلامتكم :22 (27):
انا بعد ابغي افكار يلا حبوبات ومنكم نستفيد يا عروسات
في ناس يدخلون القاعة بسيارة فخمة مثلا بورش
والله كنت بنزل نفس هالطلب….لانه ربيعتي عرسها بعد اسبوعين ومحتاره
دور افكار….قلت بساعدها…وفي نفس الوقت بدورلي لانه عرسي عقب شهرين
اسبوعين مايمديج تدورين شي..
فيه شفت مره في محل مناسبات في بوظبي .. جيه العروس تظهر من تحت وهيه تظهر شنس تزيد نورها
حلوه بس ماعرف اشرحها بس يقولون انها مب آمنه مادري…
شي بعد مثل تلفريك.. روحي محلات الكوش بيعطونج افكاار والله يسهل اموركم
وعليكم السلام و رحمة الله و بركاته
ممكن تسوين زفة الحوريات
مجموعه من البنات بس أتمنى يكنون بنات كبار مب صغار
و يلبسون ملابس الحوريات
و ينزفون على إيقاعات بحريه و يسوون حركات بيدينهم كأنهم يسبحون في الماي
و أول ما يوصلون الكوشه تنزل من فوق فقاعات .. و الكوشه مثلاً تكون كأنها في أعماق البحر
و بعد ما يخلّص المشهد هذا تزفون عروستكم الحلوه بأي زفه تحبونها 
هالفكره إللي براسي حالياً
و إن شاء الله تكون عيبتج