السبع زيوت!!!!!!!

من فترة طويييييييلة ( قبل 10 سنين )تقريبا كانت أختي عندها رفيجة والله يا بنات من كبر كشتها كانوا يسمونها ( جنية الخط السريع ) والله العظيم إني صااااادقة بهالكلام ، لكن سبحان اللي يغير ولا يتغير .

صااااارت ملكة جمال وما لاحظت اختي هالشي إلا بعرس قبل سنتين ، شعرها طويييييل وناااااااعم حريييير.أنا لما شفتها انصدمت !!!!! وكل ما شفتها أقووووول ماشاء الله لاقوة إلا بالله ، والله خفت أعطيها عين !!!
والله يا بنات ما أبالغ اللي شفته شي عجيب !!، المهم قبل مدة قصيرة صااارت البنت رفيقة اختي الروح بالروح على قولتهم ،وبصراحة طلعت حييييييل مؤدبة ومحترمة وفيها دين ماشاء الله عليها ،،،،،،( وظهر السر الكبييييييير ))))))))))

كانت اختي تسولف وياها عن وحدة شعرها كشه وفجأة صاااار ناعم ( طبعا اختي ما كان قصدها عن البنت )، فقالت البنت لحظة يا فلانة ( عن اختي ) أنا كاني ما تذكريني لما كنت صغيرة كان شعري يخرع ومتنتف والحين الحمدلله حلو ،أنا أقولج شنو اللي نعم شعري وطوله ،وعطت اختي هالمكونات من الزيوت،ـ وقالت كل ما تحطينهم اخذي فوطة حاااارة ولفيها على الشعر فوق الزيت علشان تفتح المسامات ( تقدرين تحطين جهاز البخار أحسن) + الحنة مرة بالاسبوع ، والزيوت مرتين بالاسبوع، وهذي الزيوت:
زيت الزيتون+زيت الخروع+زيت الصبار+زيت باراشوت الازرق+زيت الحية +زيت الثوم +زيت السمسم

بصراحة استخدمتهم اختي وما شاء الله شعرها تغير ،لكن النتيجة ما بينت إلا بعد 3 شهور تقريبا ،أنا استخدمتها 8 شهور وزان شعري عليها ونعم حيييييل ، لكن الكسل خلاني أتركهااااا!!!!!!!!
والحين حابة أرجع لها لأن فعلا شفت النتيجة بعيني،استخدموها ورااااح تدعولي بإذن الله تعالى

مفييييييييييدة والكل يشهد

بس شو مشكلتنا عدم الاستمرار والعيازة اللي فينا …

امهاتنا رغم الاشغال اللي كانوا يسونها بس في اهتمام من صوب