لو سمحتو اريد اعرف الساعه كم عيالكم يرقدون وكيف ادرسونهم واشياء ثانيه لو سمحتو

مرحبا اخواتي الغاليات
ابصراحه كنت ابغي اسأل كيف تتصرفون وي عيالكم ايام المدارس يعني كنت ابغي اعرف الساعه كم لازم ارقد عيالي صف اول و الكي جي ……….
وشو اتريقونهم وشو اطرشون وياهم ………..ز
والاهم كيف ادرسونهم من اي وقت تبدون ..
انا ابصراحه اعيالي امطفريني يرقدون الساعه عشر او هيدعش وانششهم الساعه سته ونص عشان يزهبون ويكونون تعبانين والله يغمضوني لكن مجبوره
ويوم ايبهم من المدرسه انكون واصلين البيت تقريبا الساعه ثلاث ونص لين مانتغدى واصلي اتكون الساعه اربع ونص عقب ابدى احل وي بنتي الواجبات تكتب الحروف وتلوين واحس الوقت ايمر ابسرعه ابدا ما الحق اعلمها شي ولا افهمها شي وتكون هي طفرانه اتقول كله واجب تعبت وصدقها
انا الحين اباكم اتساعدوني اكيف ارتب الوقت من اول ارقادهم لين حل الواجبات وكل شي تقدرون اتفهموني اياه
وبغيت اتساعدوني كيف ادرسها وكيف اعلمها الحروف واخليها تقدر تقرى بالعربي و الانجلش والمواد الثانيه

أنــا أختي تـعشي اليهال عالمغرب وترقدهم بعد صلاة العشا

وأتمنــى إني فدتج يعني

عني انا أرقدهم عالساعة 8وونص أو عالتسع بالكثير
أول واحد يوصل البيت عالساعة وحدة وهو في كي جي 2 من يوصل علطول اكتبه الواجب وأخلص منه
والثاني يوصل عالساعة 2وربع اخليه يكتب الواجب لين ما توصل أخته الساعة ثلاث وربع
ومن توصل نتغدى ابتدي بأخته أكتبها الواجب ومن أخلص من واجباتهم أبتدي بالمراجعة ومتى ما خلصنا أخليهم يشوفون التليفزيون براحتهم
وبعدين أعشيهم عالثمان وأسبحهم وأرقدهم
وبس

بنتي يخلص دوامها 3:10 هيه في كي جي 1 ,,,

انا من العصر اجهز العشا عشان ما اخرها لاني لو اخرتها عن رقادها الصبح تتعبني و ما تقدر تنش و لا حتى تتريق

انا عندي بنوته توها بجري اتسير المدرسه
اول ما ترجع ماخليها ترقج…. وطبعا في المدرسه مايعطونهم شي هذاك الزود

وان شاء الله كون فدتج

الغالية أنا عندي بنتين وحدة في كي جي 1 والثانية 2 والحمدلله انا اطبق هالنظام من العام واشوفه وايد اوكيه، العايال أعشيهم أبدأ أعشيهم بعد صلاة المغرب وبعدين اغسلهم واغيرلهم وارقدهم على الساعة 7 ولانهن مرهقات وايد يرقدن بسرعة وانش على الساعة 5:30 وابدا اجهز لهم الحمام والملابس وكل شيء واوعيهن على الساعة 5:40والمهم الريوق يكون بيض مطبوخ+حليب أو سندويش جبن+حليب ولازم اريقهم بنفسي عشان اتأكد وارتاح وأحط لهم باللانش بوكس فراولة وسندويشه صغيرونه وخيار والجزر الصغير ومرات اضيف لهم التفاح بعد ما احطه بالماي والليمون عشان يحافظ على نظارته ولونه وبرتقال وبس.
العيال يرجهون الظهر على الساعة 1 وأخليهم يلعبون شويه ويفضفضون اللي بداخلهم يعني سوالف المدرسة واللي خلصت اكلها لها هدية وهي قطعة صغيرة من الكاكاو وعلى الساعة 2 أغديهن وأخليهمن يلعبن وعلى الساعة 4 ابدأ أدرسهن أو على الساعة خمسة اذا ما عندهن شيء طبعا على حسب واجبات المدرس بس بطريقة ما تخليهن يملن وهذا كل شيء والسموحة الغالية طولت عليج وان شاء الله اكون افدتج………….

والله الغاليات ما قصرتو واتمنى المزيد
بس انا اعيالي والله ايطفروني فالرقاد اعشيهم الساعه ثمان وادخلهم الغرفه على اساس انا كلنا بنرقد حتى ابوهم ايدش اونه بيرقد بس ماشي فايده مايطيعون يرقدون وضرابه طول الوقت والله تعبت