اللوز

مرحبا يا بنات
حبيت أرفه عنكم شوي ونغير عن أسئلة البشره ومشاكلها
براويكم صور خذتها من الانترنت وللأسف مب من تصويري لأن ما عندنا شجرة اللوز هنا في البلاد
واذا حد عنده اياها في مزارعهم ياريت يصورها لنا

هذا شكلها

وهذا شكل الزهره اللي تظهر في الشجره قبل ما تظهر الأوراق ويكون تقريبا في الخريف يعني مثل هالوقت

وهذا شكل اللوز يوم يستوي
وياخذونه ويعصرونه ويطلعون منه الحلو والمر ….الحلو للشعر والمر للبشره عشان مؤكسد
بس أنا جربت الحلو بعد للبشره وحسيته ممتاز ….بس الصراحه المر مفعوله رهيب وايد ع البشره
واللي يعانون من الصدفيه ممكن يجربون يدهنون الجلد بطبقه خفيفه منه يوم ورا يوم وباذن الله بتخف عندهم الحكه والقشره بعد والبقعه الحمرا يخف لونها …جربوه وان شاءالله ترتاحون عليه أكثر من الكريمات الطبيه خصوصا انه ما يحتوي على الكورتيزون
(يعني رجعنا للبشره ومشاكلها)

وبما ان رجعنا للبشره جربوا هالوصفه القديمه جدا لتبييض البشره
مزيج متساوي من زيت اللوز المر+زيت اللوز الحلو +عصير ليمون طازج
يدهن به الوجه يوميا بعد غسله مع التدليك الخفيف ويترك ساعتين ثم يشطفأو يترك طول الليل ويغسل الصبح

==============================================

عاد نحن في الخليج هذا لوزنا

يمي يمي

مايظهر منه زيت ولاشي …..أصلا مايلحق يستوي الا هجمنا عليه بعد نتريا لين نعصره؟؟؟؟؟