السلام عليكم و رحمة الله و بركاته
اشحالكم حبيباتي؟ عساكم بخير = )
هالأسبوع قلت بدلع عمري و بحجزلي في سبا حلو
قلت ماااشي غير نادي دبي للسيدات.. المكان مريح و مضمون و جريب من بيتنا
حجزتلي شيئين اللي هم Hot Stone Therapy + Brightining Facial
المهم.. اليوم كان اليوم الموعود
و الصراحة المكان داخل رووووعة و يخبل و يهدي الأعصاب
قالتلي الحرمة إنه بنبدا بالمساج عقب الفيشل
و الصراحة هالمساج كشششششخه.. و الله إني كنت برقد من كثر ما ريحت
و ياخذ تقريبا ساعة و شوي لكن ما تحسييين فيهم مووول
و يمكن البعض يعرفه
هو عبارة عن صخور صغيرة سودة.. يحرونها و يحطونها ع جسمج عقب ما يحطون عليه الزيت
العلاج مريييييح جدا
تحسين بالتعب كله يروح.. و هي تسألج في البداية إذا في مكان محدد تبينها تركز عليه
عقب كل هالراحة.. ايي دور الفيشل
و الفيشل مالهم الصراحة روووعة و فنااان
كانت ظاهرتلي شرات الرؤوس السودة ع خشمي و حذاله
عقب الخبيصة كلها اللي سوتلي و جفت ويهي عقبها
الصراحة استااانست واااايد من النتيجة
ويهي ما شا الله رد صافي شرات قبل
و ابيضيت و صار ويهي منور
حتى يوم رديت البيت.. الوالدة تقولي يبين في ويهج تغيييييير
بديت الساعة أربع و خلصت ع الساعة 6 إلا ربع
و اسعارهم اوكي.. فيه اماكن اغلى عنهم بوايد و بيكون ارخص لو انتي عضوة عندهم
احس جسمي الحمد الله مرتاااح عقب المساج
من الدوام و المراكض حق الدراسة.. الواحد مب ملاقي وقت حق عمره
و عرس ربيعتي ورا باجر.. فقلت اسير اريحلي شوي و ادلع عمري
بس كنت بخبركم عسب الاستفادة لا غير مش دعاية حقهم او اي شي = )
للرفع
شكرا ياااعسل
عاد انا اموووت بهالسوالف
يبالي صراحه ..أحس بتعب بدني خخخ تسلمين حبوبه
للرفع ^___^
up up up
تسلمين فديتج ^____^