الليزر ولا السوفت لايت رايج وتجربتج لو سمحتي ()

شحالكن خواتي عساكن بخير ان شاء لله

خواتي بغيت منكن خدمة صغيرة وهي عرض تجاربكم او خبرتكم في الليزر او السوفت لايت

ناوية اسوي لجسمي بس مش عارفة اي واحد فيهم احسن واضمن

عادي ما ابا الشعر يختفي نهائي لو يطلع عقب شهرين او ثلاثه راضيه ولله
بس نرتاح من الحلاوة وهالخرابيط ..

بلييز اللي مجربة تقولي شوو الاحسن واللي تعرف حد مجرب تعطينا من معلوماتها

وياريت تعطوني مراكز تسوي الليزر والسوفت لايت في بوظبي
ما يهمني السعر .. اهم شي يكون الشغل مضمون واوكيه ..

وهل فيه وحده جربت تسوي ليزر او سوفت لايت عند اوباجي ؟؟ شوو رايكم فيه ؟؟ ؟
وهل السوفت لايت ينفع للجسم ولا بس الويه ؟؟

اتريا ردكن وادريبكن ما بتقصرن ان شاء لله

الله يعطيكم العافيه .. ^__^

أختكم
زايره

الغالية سوفت ليزر احسن والشعر يطلع يطلع اذا ليزر او سوفت ليزر

بس ياخذ كم من شهر نعوووووووومة

سوي في مركز سوفت ليزر احسن وخبرة غير عن الصوالين الي منتشرة

السوفت لايت يشقر الشعر الخفيف والغليظ يطيح لكن يرد يشب عقب شهرين .. يعني هب حل دائم

احسنهن الآي بي ال .. مثل مكينة الاليبس .. وايد فنانه .. بس لا تتوقعون اقل من 5 ال 8 جلسات للمنطقه الوحده .. بس في النهايه نتيجه مذهله!!

انا بتكلم عن تجربتي

مثل ما قالت الاخت تفااحة … انا بعد كنت اسوي حلاوة لتحت الباط وسمرت شوي من كثر الشد بالازالة شبة سمار نتيجة الحارة الحرق اللي احترق فيها جلدي من الحلاوة .

وحاليا اسوي ليزر لتحت الباااط سويت 3 جلسات والله العظيم من بعد الجلسة الثانية شهر ونص ما طلع شعر وعقبها طلع شي خفييييييف والشعرة ضعيفووووووووووووونة تكسر الخاطر ههههه.. وانا مستانسة الله يرحم ايام الحلاوة .

ومثل ما قالت الاخت fimminine السوفت لايت يرد يطلع الشعر واهوة بس يشقر الليزر احسن .

انا اعالج عند عند اسثيتيك وعند كوزومسيرج… وهالاسبوع بسوي ريولي بس بجرب اول شي بمنطقة صغيرة اشوف اي جهاز ليزر يناسب شعرة رجلي وعشان اشوف اذا ما تتحسس ريلي عشان ما تحترق مثل واايدب بنات بمراكز ثانية .