السلام عليكم و رحمة الله و بركاته
شحالكم خواتي؟
شفت كذا وحده حابه تستخدم هالعشبتين و مب عارفه الطريقه كيف
اولا ليش هالعشبين يعني شو فايدتهم
1) المرميه:
تساعد ع تنظيم الدوره الشهريه
تنظيف الرحم + تحميه من الالتهابات
تنشط المبايض
تنزل هرمون الحليب
2) البردقوش او المردقوش
منظم طبيعي لهرمونات الانوثه بالتالي ينظم الدوره الشهريه
(تنزل الهرمون العالي و ترفع الهرمون النازل )
يعالج تكيس المبايض باذن الله
تكبير حجم البويضات
يعني تحتاجون العشبتين مع بعض ،، ليش؟
لان الاولى تنشط المبايض بس نحن عشان تتلقح البويضه باذن الله لازم يكون حجمها كبير ومناسب و ها اللي بيسويه البردقوش ان شاءالله
عشان نحصل على تبويض حلو و ممتاز للحمل ان شاءالله
طريقته لتحضير مقدار كوب:
تغلين ماي مع سكر حسب الرغبه
تحطين فهالماي المغلي وهو فالغوري شويه مرميه قد ما تمسكين بصبوعج + ملعقتين شاي من مطحون البردقوش
الافضل تشترينه مب مطحون و تطحنين كميه بسيطه كل فتره و فتره عشان يكون يديد
وغطي الغوري و خليه 10 دقايق
عقب صفيه فكوب و سمي بالرحمن و شربيه
لازم تشربين من كوبين الى 3 كوبات فاليوم
وتبدين من اول يوم تنزل فيه الدوره الى اليوم ال 14 و توقفين و الشهر اللي بعده اذا ما صار حمل نفس الشي من الاول لين ال 14 و هكذا لين ربي يرزقج ان شاءالله
والله يرزق كل من تتمنى بالذريه الصالحه السليمه المعافاه عاجلا غير اجلا
احبكم جميعا ^_^
للرفع
ثانكس يا حلوه ، رفع الله قدرج ^^
مشكووووووووووووووورة
العفوو ^^
للرفـــــع
جزاك الله خير