السلام عليكم
بنات شرايكم بالفيلا شيب انا اتصلت بعيادتي عياده سوسن لي فالمزهر دبي وقلتلهم كيف نظام هالجلسات بغيته للوالده الصراحه لانهما ما تبا تقص ولا تشفط تتروع وجسمها مضايجنها لانها ظعفت وتم عاده كل شي مترهل قالولي اذا بتوسين جزء من جسمج بناخذ عليج حوالي 1300 اما اذا جزئين 800 واذا ثلاث 400 مادري 300 والله نسيت ههه ع الجلسه طبعا المهم عجبني الموضوع قلتلهم كم الفتره قالو اربع جلسات الخامسه فري لمده شهر فالاسبوع مره مع تعديل في الاكل ورياضه لو نص ساعه مشي وكل جلسه ينقص منج 2 او 3 سانتي الصراحه تشجعت وما تم حد ما قلتلها هههههههه لانه قبل اختي مسويه في نادي الفتيات في الشارجه بس دفعت ع البكج 5000 ونفعها الصراحه هو نحت للجسم تراه عاده اختي خلت جسمها نفس الكوكاكولا ع قولتهم ههههههه شلت البطن وزادت تحت والصدر موجوده امبونه المهم انا ان شاء الله ببدا الشهر الياي او اللي بعده لاني بغير دوامي وصعبه علي ابدا فيه لاني بكون تعبانه ومشكلتي في الكرش بدت تطلع والزنود غاديه زنود معضله بس عيبني انه سعرهم حلو يعني مال 2400 واتوكل مب خسرانه شي جربنا كل شي يت ع الفيلا شيب لي شرى المساج اهم شي لا قص ولا ربط والمبلغ زين والمده معقوله والجلسات كل اسبوع بس حذروني قالو للوالده ما ينفع لانه الجهاز ما يشتغل على اللي عندها سكري هنه حليلها امايه زعلت هههه بس بنشوفلها حل خلاف انا ربيعتي سوت عند كلداري جلسه وحده ب1 حطالها جهاز ع البطن وم الايام الدهون تطلع من الجسم هي تقول نفعها انا ما جوفها امتينه عشان احكم بس سبحان الله نحن الحريم ما يعيبنا شي وهي مشكلتها فالكرش فاذا قالت نفعها يعني نفعها بس 1 لو اموت ما عقها ع جلسه ومنطقه وحده وان شاء الله يوم ببدا فالجلسات بخبركم النتايج واذا ما نفع بتكون تجربه سيئه بس بتكون عندنا خلفيه عنها واذا شي وحده مجربته قبل تقول يمكن تفيدني قبل لا ابدا
جوفي ها الاجهزة تمشي الحال نفس الرياضة
يعني وحده جلدها مترهل و يايبه درزن يهال و تسوي رياضة ماشي فايدة
يعني لو الوزن شوي زايد كذا كيلو اوكي وما فيه ترهل الا شي بسيط جدا اما اتي وحدة متينة و تسوي ما بيفع لها ابدا
غير ان ما ينفع للترهلات يعني شرات امج فيها ترهلات ولادة و جي صدقيني ما بينفعها خاصة امهاتنا كل الترهلات صوب البطن هذا يبغي لها قص
اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ