تعالو تابعوني في عملية شفط الدهون – الجزء الاخير

جسمي رووووووووووووووعه يا بنااااااات .. خصري ضعيف من عقب ما شفطت الدهون و الزوائد .. و مافيني كرشة!!!!! مع انا سوتلي شفط جزئي في بطني .. الصراحة تخبلت على نفسي .. الحمدلله الحمدلله الحمدلله !!!!!!!!!!! مااااااا شاء الله و لا حول و لا قوة الا بالله .. و الدكتورة تقولي هذا ولاشي !! صبري شهر و شووووووفي!!!!!!!!

بالنسبة لاثر العملية .. الصراحة لو ماكان فيه خياطة ما كنت بعرف ان فيه جرح!! مووول صغيير و ما يبين موووول!! كأنه جرح عاادي و اصغر عن الضفر!! جااان استانس!!!!

الجلد طبعا عليه ستين الف تشخيط!!!! تشخيط بالقلم مال قبل العمليه .. و تشخيطات اللزقات .. و الجلد طبعا منكمش جيه ماعرف كيف لان 8 ايام مشدوووووووووووود!! بس الحمدلله مافي ابدا ترهل و لا جلد زيادة !!

فيني بعد تنميل خفيف على بطني و ظهري .. و قالتلي الدكتورة هذا طبيعي من المشد و كم اسبوع و بيروح ان شاء الله ..

اشتريت مشد جديد (500 درهم) كااامل مع الستيان .. وااايد اريح من النص لان هذاك كان يرص علي تحت صدري وااايد .. و لازم اكون لابستنه كل وقت الا يوم اسبح .. و المشد الحين عاادي اقدر و ايلس لان مافي شي تحته .. و طبعا اول شي سويته من رديت البيت اسبحت سبحة محترمة خخخخخخخخ

همممم شو بعد .. قالتلي الدكتورة اقدر ارد لحياتي الطبيعية .. بس بشرط اني ماسوي رياضة للبطن و لا الظهر لمدة ثلاث شهور .. و حاليا اقدر امشي و اسوي تمارين للرجل و الايدين فقط..

و خذت مواعيد 4 جلسات مساج (LPG) و 4 مواعيد مع اخصائية التغذية .. و فيه بعد دروس طبخ للاكل الصحي و هذا كله ببلااااااااااش (مع تكاليف العملية) .. و موعدي مع الدكتورة بعد 6 اسابيع ان شاء الله ..

احب اني اشكر كل البنات اللي كانو يتابعوني و يشجعووووني!! و الله انكم صبرتوني على كل اللي مريت فيه من الم و تعب .. جزاكم الله خير و يااااااااااااارب كل وحده فيكم توصل للي تبغيه و تصيرون كلكم ملكات جمال و رشيقااات ياااااااااااااااااااارب

اي وحده عنها اي سؤال .. انا حاضرة و من عيوني

في امان الله