السلام عليكم
اريد فزعتكن يابنات …
زاد وزني 5 كيلو في اسبوع كان 100 يوم الثلاثا اللي طاف واليوم اقيسه صار 105 
هل ممكن السبب من الادوية ؟؟ او اللولب يزيد الوزن؟؟؟
انا مربية صارلي شهرين وارضع بنتي بس طبيعي بدون الصناعي ما تتقبله ابد …
بس المشكلة عندي بواسير ومركبة لولب قريب تقريبا من 3 اسابيع وصابني منه التهاب فعطتني الدكتورة مضادات وتحاميل ……
واللله وايد متضايقة بطني كبير كاني في السابع ..وريولي تحت منتفخة يوم اسجد واقعد بعدها تعورني
الله يجزيها الخير اللي تساعدني
ما عندي فكره يالغلا ,,, الله يعينج ويعينا كلنا يااااارب
بس اللي لاحظته عقب الولاده زاد وزني 6 كيلوات
شكرا اختي ع الرد
بس انا زدتهن في الاسبوع واحس بضيق تقريبا يزيد نص كيلو كل 12 ساعة ماعرف شو هذا بموت من الغصة مع اني ما اكل وايد بس وايد اشرب سوائل
يالله 15 دخلو الموضوع ما شي غير رد واحد
الصراحه الله يعينج مشكله هذا الوزن بس اللولب مايزيد الوزن انا صارلي شهر تقريبا مركبه لولب وعادي
بس انتي سئلي الدكتور شو نوعيته اللولب يعني هرموني لو عادي وشوفي بعد كل واحد وطبيعه جسمه
وأدوية شو تستعملين
طيب ليش ماتدخليين عند طبيبة تغذيه مو ابركلج
لانه مرات الواحد مايصيطر على عمره في الوزن
والله حاسه فيج قطعتي قلبي الله يعينج ويعيننا على هلوزن اللي مدوح الكل
ان شاء الله يفرجها علينا
انا مركبة لولب عادي
انا ماعرف بسوالف الحريم هذي ^^.
لكن مش يمكن من الاكل و انتي مش حاسه بعمرج .. ؟
مب مشكلة لا تفكرين وايد فاللي زدتيهم و كيف زدتيهم .. ؟
لكن فكري كيف بتنزلينهم
ابدي امشي و لعبي رياضه عالخفيف
وراقبي اكل بس لا اتسوين رجيم لانج ترضعين لكن خففي شوى
وبعدين شربي شاى اخضر مع الزنجبيل عقب الوجبات
وفيه عشبه اسمها الشمربتلقيناها عند الخاجه واااااااااايد يمدحونهااا
تشربين 3 اكواب فاليوم و كل كوب مع خاشوقة شمر و ماى مغلي
تخلينه لين يدفى و عقب اتشربينه
جربيه … !!