السلام عليكم
الحمدلله رب العالمين الله اكرمني وحملت
بس السكري متعبني ويايب لي القلق
وخايفه واايد
كنت فالمستشفى وقالو اموري كلها زينه وسكري نازل لطبيعي بس داومي على الانسولين
فحصت المغرب تفاجأة انه مرتفع 250 عندي انصدمت
اخاف ياثر على البيبي
منو مرت مثل حالتي
واتبع حميه غذائيه
دعواتكن لي خواتي
نفسيتي تعبانه والله وخايفه
الله يحفظه اقري عليه واستودعيه رب العالمين
وان شا الله الخوات يفيدونج
وعليكم السلام ورحمة الله وبركاته
أهم شي نفسيتج توكلي على الله ولا تحاتين ، واهتمي بتغذيتج ، وتابعي مع الطبيب و أخصائية تغذية .. والله يعافيج
إهتمي بأكلج وتابعي مع دكتوره تغذيه ، السكري هو فيج من الاول ولى ياج مع الحمل من الشهر الاول ؟
استودعيه االله وتابعي مع دكتوره التغذيه
اليوم نزل لي لون بني
واحس بألم تحت
تتوقعو عادي ردو علي ماحد يطنشني
طمنو قلبي الله يسعدكن
ملاحظه اليوم مشيت وايد لاني كنت فالمستشفى
لا حبيبتي لازم تسيرين المستشفى