السلام عليكم شحالكم امهات ….
انا حابه استفسر يا امهات شو تسوون بعد النفاس عشان تهتمون بصحتكم وتتجنبون الامراض بعيد الشر لانه انا اول ماولدت !!عقب شهرين اكتشفت اني تبهدلت من الخاااطرر وقمت اضعف وحالتي حاله وقالولي الغده نشطه وتعبت ونفسيتي داون خفت من هالشي لانه اعراضه جد تعبتني ….عقب الولاده الثانيه نفس الكلام وعلى اكثرررر واكثر الاعراض من خفقان وضعف شهيه وتعب وارق ،،، وصفولي حبه واستمريت عليهاا والحمدلله الوضع استقررر ،،، بس هل الحمل الثالث بيخفف من هالشي !! اللي عندهم تجارب خصه اني مابا اضعفف والله كرهت الضعف بشكل فضيع استوي هيكل 
الحينه الدكتوره قالتلي اوقف الحبوب شهرين لانه الوضع طبيعي وارجع احلل عقب شهرين ،،، بنات كيف اتجنب رجوعها هل من اكل معين ولاا من العصبيه او من هرمونات معينه بليززز اللي مرت بتجربه او تعرف دكتور ممتاز ف عيمان لاتبخل علي
مضايجه يمكن ماشرحت عدل ،،، بس صدق اباا اكون بصحه وعافيههه ابا اداوم وابا اعيش حياتي عادي
هلا فديتج سلامتج طبعا طبيعي الوحده بعد الولاده نفسيتها اتكون تعبانه بس لازم تهتمين بعمرج والجسم اوردي يكون وايد تعبان من ناحية الاكل لازم وايد تكثرين ماي وفواكه وخضروات مهمه يوميا وتمر لان يعطيج طاقه ووايد مهم اترضعين الياهل وطبيعي اللي اترضع تضعف بس رضعيه ونظمي وقتج للاكل وكل شي
صح وبعد خذي عسل طبيعي لان الجسم محتاج واذا قدرتي تسوين مساج في الصالون او حد ييج البيت وايد مفيد
فديتج سمعت عن العلاج الانعكاسي بالمساج القدمين او اليدين ممكن يفيدج في موضوع الغدد
الله يسلمج ام عنوده يزاج الله خيررر وهاللي اسويه حاليا وصح العسل مفيد وايددد ان شاء الله ربي يعطينا الصحه والعافيهه وبستفسر عن المساج
وعليكم السلام
مهم جداً الاهتمام بالتغذية خلال فترة النفاس والراحة التامة خاصة أول اسبوع من الولادة
لكن هذا مايمنع من تنشيط الدورة الدموية وانتي مرتاحة على السرير عن طريق تحريك الاقدام بشكل دائري وبالعكس و للأمام وللخلف وفي تمارين بسيطة تسوينها بالتدريج تلاقينها في كتاب الفراشة الخاص بالحمل و الولادة و العناية بالطفل من الولادة لعمر ثلاث سنوات
بعد الاربعين ضروري المشي والحركة
انتي ممكن تتجنبين المشي والرياضة لأنج تخافين تضعفين اكثر، بس العكس صحيح المشي والحركة باعتدال توصل الاكسجين والمغذيات بشكل افضل لكل انحاء الجسم وصحتج بتتحسن
اذا الغدة وايد نشطة خففي من السمك والأكلات البحرية والملح المزود باليود
اكل الفجل باعتدال يهدّي الغدة شوي ويساعد على زيادة الوزن
بس الاكثار منه ممكن يكسل الغدة
المهم الاعتدال
ما اذكر اي باد يمكن تونس،، عندهم لازم تقديم الفجل مع السمك في الوجبات، وهذا حل ممتاز اذا حابة الاكلات البحرية كلي معاها فجل عشان يصير توازن