مرحبا بنات ..
شحاللكم ؟
عندي سؤال تكفون تردون علي ..
انا في السابع .. ولين االحين ما فتحت ملف في عيادة القصيص حتى يحولوني عقب على مستشفى دبي .. يقولون لازم من بداية الرابع .. بلييييز حد فيكم جرب يفتح ملف عقب السابع وقبولها في مستشفى دبي 
في انتظار ردودكم
موفقه الغاليه.. اختج @مبدعه@
عادي فديتج انا ربيعتي في اخر السادس فتحت ملف في مستشفى دبي صح قالولها ليش ما فتحتي قبل بس سوولها الفحوص الاعتياديه وممشت الامور
بالتوفيج ان شاء الله
السلام عليكم ورحمة الله وبركاته
وانا بعد اختي رحت لهم بالسابع وقالولي وايد متاخره بس عادي قبلوني
الله يوفقج يارب
نحن عندنا في الكورنيش يفتحون لج لو باقي لج يوم واحد وبتربين ..
بس لازم اول موعد يكون في عيادة خارجية تابعة لمستشفى الكورنيش عقب تقدرين تراجعين في الكورنيش..
بس اعتقد يصير ..
ولا دبي ولا الوصل طلبت دبي وبس سوولي فحوصات الحمل + تحليل الدم للسكري
وعقب حولوني لمستشفى دبي وبس عزيزتي روحي لعيادة ابوهيل وقولي ابي تحويله
لمستشفى دبي وهم هناك بيدخلونج على دكتوره نسائيه وهي بتسويلج هاي الورقه