هبوط ما بين الخفيف والحاد

اشحالكن خواتي ؟

بالمختصر ، انا حامل فالشهر السادس

وفي اليوم ييني هبوط ما بين الخفيف والحاد فوق الثلاث مرات
يعني سواء بذلت جهد ولا لا

حتى لو كنت قاعده، او منسدحه
وحسيت بكتمه او حر خفيف ، ولو كان الجو عادي

على طول ما احس بعمري الا وانا دايخه
مرات امسك نفسي اذا كنت فمكان عام او في الدوام واروح الحمام تكرمون او اقفل باب المكتب اقعد عالارض لين ارد طبيعية

احس وايد قام يزيد علي هالايام
ما ادري اخاف اروح المستشفى لاني فعلاً ما اقدر اقعد فالانتظار على طول انكتم وادوّخ

مع العلم انه دمي كان 8 من فترة الحين الحمدلله 10
وملتزمة بأكلي الصحي ومهتمه بنفسي

حد يعرف من شو يصير ؟؟

الضغط عندي طبيعي الحمدلله والسكر بعد
ايام الوحام بس كان ينزل

وكل مره اجيك لما اييني
ولما اروح المستشفى واقول لهم اني ما اقدر اقعد يضحكن النيرسات ويقولن لي كل حد ايينا دايخ يلسي شوي
لين ما يجوفوني ادوخ عليهم عقب ينقلوني

مرتين ترقدت فالمستشفى من حركتهم البايخه وعقب يخافون وما يظهروني الا لما يطمنون علي