السلام عليكم ورحمة الله وبركاته
طلعت مب حامل 
بس الصدمه لكبيره يوووووووووم قالتلي الدكوره فيني تليف ف الرحم
وها الشي يستوي حق الي عمرها قريب من سن الي اليأس وانا بعدني صغيره
اوني مستانسه اتاخرت الدوره تحريت عمري حامل تخيلو قالتلي انه اذا ماراح مول
عادي يستأصلون الرحم
قولولي بنات عند منو اسير مابا اسوي عمليه استئصال للتليف
وين اروح دخليكن بنات والله بدعيلكن والله اني اصيح ومب عارفه شو اسوي
up up up up up up
نفس حالتي تاخرت الدورة وسويت سونار طلع فيني تليف كبير خارج الرحم وبعدها سويت العملية لازالة الالياف في توام بجراحة , ولحين عندي 3 عيال ماشا الله , اطمني والله يشفيج .
لا حول ولاقوة الا بالله
الله يشفيج يا رب
فديييييييييييييتج انشالله ماتحتاجييين استئصال أعتقد بيسوون كشط << مب متأكده من المسمى
لا تاخذين على كلام دكتوره وحده روحي لثلاث واربع دكاتره عشان تتأكدين هل كلام هالدكتوره صحيح,, وانشالله مايكون صحيح,, روحي ولاتعلمينهن عن شي على أساس بس تطمنين وشوفي شو بيقولون لج,,
أنا حامل وقالولي كلااااااام وايد فيج وفيج ,, وسبحان الله رحت لمستشفى الكورنيش وسوولي فحوصات شامله وطمنوني على كل شي وطمنوني على الجنين ولله الحمد وطلع كلااام مستشفى الخاص كله غلط في غلط ,,
توكلي على ربج ,,
لا تخافين عديلتي بعد طلع عندها تليف بالرحم و سوت عملية فمستشفى الوصل بدبي و الحمد لله لحين زينة وكلشي عندها اوكي
انصحج سيري عند دكتورة ثانية و ثالثة لين ما تتاكدين
في دكتورة استشارية المانية بالمستشفى الاماراتي الفرنسي بوظبي طيبة وحبوبة واهم شيء ان تشخصيها اوكي
عليج بالثقة بالله وان بايده الشفاء
صلي قيام الليل وادعي
اقري سورة البقرة يوميا
كثري استغفار
كثري صدقة
وشوفي لج اكثر عن دكتورة واكثر عن مستشفى
وان شاء الله تبشرينا جريب بشفائج وحملج