بنات انا في التاسع بس تعبانه مادري فيني الالم الولادة والتعب كله بس للحين ماصار شي ورحت المستشفى قالولي مب مفتوح ولا سانتي
بس تعبااااااااااااانه
وغير جي عندي الم فضيع بعظام بين الفخذين بموت مب قادره افتح ريلي او اسكرها
ابي شوركم بنااااات
حتى فكرت بالطلق الصناااعي
الله يسهل عليج حبيبتي
وربي يخفف عنج ويسهل عليج
الله يقومك بالسلامة ولا تستعجلين بالطلق الصناعي
هانت "الالام هذي تدل علي قرب الولادة"امشي واشربي عصير اناناس وربي يسهلها عليج"
مرحبا الغاليه ….. حبيت اقولج اني ف التاسع مثلج باقيلي كم يوم وبدش العاشر وحالتي تعبانه ع الاخر حتا ارقاد ما ارقد وفي ويع ظهر لا يطاق واعاني من الحموضه يوميا وفيني الام نفس الدوره من اول ما دشيت التاسع / خاطري اربي اليوم قبل باجر بس شسوي الله كريم والنا الأجر انشالله واهم شي فديتج كثري من الاستغفار لأني بصراحه كل ما اكون تعبانه ايلس واستغفر وعقب ارتاح ….. حاولي تطلعين وتتمشين قدر الامكان عسب تنسين ويمر وقتج /-/ واتمنالج ولاده سهله يارب
الله يسهل علينا وعليج >>>التاسع هذا يزيغ وفي نفس الوقت متعب وايد وايد
الآلام هذي اللي تحسين فيها البيبي ينزل في الحوض بزياده وان شاء الله بتربين جريب
حاولي تمشين شويه …وتحركين جسمج لانج محتاجه شوية لياقه للولاده 
الله يسهل على الجميع يارب