السلام عليكم ورحمه الله وبركاته
شحالكم خواتي
عندي استفسار
انا حامل في الاسبوع السابع تقريبا
من يومين سرت عند الدكتوره قالتلي الجنين صغير ما يكبر وهو صغير بالنسبه لعمره
والمفروض الحين اسمع النبض بس حجمه صغير بعد النبض ما طلع
قالتلي اتريا اسبوع اذا ما كبر بتنزله
بغيت اسالك شو اسباب توقف نمو الجنين
وفي احتمال ينمو فهالاسبوع ولا خلاص افقد الامل
مع اني كنت ماخذه الدوفستون و الفولك اسيد والاسبرين مال التنفس
اذا وحده منكم مرت بهالتجربه تخبرني
للرفع
الله يطمن قلبج يا رب وتسمعين دقات قلبه فالموعد الياااي
إن شالله يكبر و يكون نموهـ صحي .. لا تفقدين الامل .. خلي أملج بـ ربج كبير .. و عليج بـ الدعاء
ان شاء الله الاسبوع الثامن بيكبر البيبي وتسمعين النبض""
الله يطمن قلبج عليه يارب عاجلا غير اجل
ما عليج من الدكاترة
هلا اختي
انا في الاسبوع السادس من حملي
نزل علي افراةات بسيكة بنية عزج الله
سلآت المستشفى
شيكو لي وعطوني موعدعقب ثلاثة اسابيع
سالتهم البيبي زين؟
ماجاوبوني تميت عشرين يوم والافراةات الحمرة كانت تنزل شرات الدورة عزج الله
عقب سرت الخاصة
كانت الصدمة من عشرين يومين الياهل موقف النمو بالاحري ينمو بس مب بحجمه الكبيعي
قالو لي تري كم سوم بينةل من نفسه
وفعلا وفعلا نزل
الحمدلله
أختي انا ما ابغي أخوفج بس هذا الي صار
بس ان شاء الله انتي تمكلين حملج واتشوفين ضناج
و أن شاء الله كلام الدكاترة يطلع غلط
قلبي معاج يالغالية
طمنينا فديتج