نبض الجنين

السلام عليكم ورحمه الله وبركاته اشحالكم خواتي ان شاء الله بخير

المشاركة الأصلية كتبت بواسطة أم حمدان

السلام عليكم ورحمه الله وبركاته اشحالكم خواتي ان شاء الله بخير

عندي بعض الاستفسارات لو سمحتو

1 ) انا حامل في 13 اسبوع تقريبا ويوم اكون نايمه على بطني احس مثل نبض في بطني هل هذا هو نبض الجنين او لا

اظن هاي حركة الجنين يمكن مب اكيد..
ان شاااء الله الخوات يفيدونج

2 ) من يومين الصراحه احس بويع وااااااااااااااااايد في ظهري وتحت سري هل هذا يعني ان جنين قاعد يتكون

ويع الظهر شي طبيعي جدا فاول 3 شهوور..

3 ) هل لازم الحامل تحس بدوخه وترجع في الشهور الاولى او عادي يعني ماتحس بهالاشياء لاني انا ما ارجع بس ما اشتعي ااكل

مب شرط..كل حرمة تختلف عن الثانية..

4 ) وين اقدر اشتري المخده اللي تساعدني على النوم الصحيح لاني اتعب واااايد في نومي

ما اعرف…

ربي يسهل عليج ويثبت حملج ويقر عينج بالبيبي..

و الله انتي نفس حالتي بالضبط
موول ما اشتهي الاك حتتا وزني نزل ,, بس ما احس بلوعة الا ساعات و خفيفة
و بمووت من ويع الظهر خاصة يوم نش من النوم
بس انا الحين فالاسبوع ال 14 و اخااف ارقد على بطني الصراحة
و بالنسبة بالنبض ( اظني نبض الجنين) لانه كل حد يقول يوم بتحطيم ايدج بتحسيين فيه
بس انا ما احس بالنبض يمكن لاني بجر

الله يسهل عليينا و على كل حاامل
انتي متى موعد ولادتج ؟؟ انا 2-1

المخده مرات مذكير ايبونه..

انا في تاريخ 8/1 ان شاء الله

المشاركة الأصلية كتبت بواسطة نبضي

المخده مرات مذكير ايبونه..

او ممكن تحصلينها في الصيدلايات الكبيره

اتوقع ان هذا نبضالجنين لاني انا فبدايات الحمل كنت احس نفس النبض الخفيف
بالنسبه لالم الظهر حدث ولا حرج بس اذا كان قوي سيري راجعي الدكتورة احسن
وعن اللوعه والترجيع عادي من حرمة لحرمة يختلف وما شي خوف اذا ما حسيتي به لا تحاتين
بلنسبه للوسادة انا بعد ادورها قالوا لي فالبيبي شوب اونه بس بعدي ما دورتها