السلام عليكم و رحمة الله و بركاته
بنات ربيعتي تبا نصايحكم و تجاربكم
سارت العيادة امسات و قالولها الجنين ميت و مافيه نبض و هيه حامل بالشهر الثاني
الحين شو لازم تسوي؟ اتسير عشان يسوولها تنظيف و الا تنتظر لين ما ينزل بروحه ؟؟!
و التنظيف كيف يسوونه ؟؟ مثل الولادة ؟؟ اتحس بألم ؟
ووين تنصحونها اتسوي التنظيف في اي مستشفى ؟؟ الوصل و الا اتسير مستشفى خاص ؟
ياريت تردون علي اليوم بليز لانها وايد اتحاتي
ادعولها بنات الله يسلمها و يهون عليها و يعوضها بكل خير
للرفع ما أعرف هذا أول حمل لي
اختي ربيعتج لازم تروح يسوون لها تنظيف لأنها حتى لو تريت ونزل بروحه بعد بيسوولها تنظيف بس يمكن في الحكوميه ما بيرضون لحد ما ينزل الجنين بروحه وبعدين يسوون لها عملية التنظيف
الله يعينها والله يعوضها بس
أول شي تسير تتاكد فعياده ثانيه اذا الجنين حي أو ميت..
وعقب تسألهم كيف طريقه ..!!
اسمعي حبيبتي انا مات الجنين في الشهر الثاني ولكن ما سويت تنظيف وانتظرت لين ينزل علي الدم وتميت اشرب رشاد وقرفة كل يوم الليل كاس واحد وامي سوت لي ماء ورد وزعفران وقرت فيه ايات قرانيه وفي نفس اليوم نزل كل اللي في الرحم الحمد لله ويوم سرت المستشفى وفحصوني قالولي ما تحتاجين تنظيف والله يسهل عليها
مب شرط تحتاج غسيل بس خليها تتأكد إنه ميت سبحان الله يمكن غلطانه الدكتوره
خلها تتاكد اول
وخله ينزل الجنين بروحه احسن بس عقب ما تتاكد تبدي تشرب جرفة وحبة الحمرا وغيره
انا اول حمل لي مات الجنين بالشهر الثالث وما سويت تنظيف ?ني كنت اشرب اشياء حارة والحمدلله نظف الرحم روحه