انا كنت حامل في الشهر الثالث بس نزل عندي افراز بني يوم سرت مستشفى الوصل قالتلي الدكتورة ان ما في نبض و ان الجنين صغير يعني في الاسبوع التاسع وانا كنت في الاسبوع 11 ماشي اي اسلوب الصراحه واتقول حق اميه انتي اتشوفين في نبض الحين اميه شو دراها في الاجهزة وباردة جنه شي عادي وعطتني موعد بعد اسبوع عشان والله ايأكدون ان الجنين مات المهم طلعت وانا اصيح والدنيا مسودة في ويهي وهذا اول حمل لا سوتلي تحليل ولا شي يعني الجنين ميت في بطني اسبوعين وزادتهم اسبوع عشان ايأكدون المهم اميه سوتلي ادويه شربتها والحمدلله يومين وسهلت لكن شفت الموت بعيوني لين ما نزل
المهم اباكم تنصحوني شو اسوي واسير عند منو(دكتورة تكون شاطرة في دبي او راس الخيمة) عشان اعرف السبب واتفادها انشالله في الحمل الثاني ادعولي بحمل كامل وسليم
والسموحة
ان شاء الله اختي ربنا يعوض عليكي بحمل ثاني ويكون البيبي سليم ومعافى
ما عندي فكره عن دكتوره شاطره في دبي او راس الخيمه بس ان شاء الله البنات بيفدونك
الله يعوض عليج ياااااااارب
المفروض تخبرج بأسلوب أحسن
أنا أراجع عن الدكتوره نهى شومان فدبي وايد زينه
إذا تبين رقمها بطرشلج عالخاص
الله يعوضج خير ان شاء الله
بس ماعندي فكره عن دكاتره دبي او راس الخيمه
تعرفين حميتي مسكينه 3 مرات تعق وكل مره في الشهر3
والبيبي مافيه نبض بس الحين والحمدالله حامل في الشهر6
بس كل مره تسير تضرب ابرتين للتثبيت وترتاح راحه تااامه
في البيت لان اي مجهود في ضرر للبيبي..هيه تعالج في عيمان
بس وااايد يمدحون زينب الشنار اللي في دبي
والله اعلم
مشكورة اختي دبدوبة زوجها على الرد الحلو
يا ريت اختي هنوده واذا ممكن العنوان
مشكورة اخت بتول الله يتمم لها بخير واتشوفه في حضنها انشالله
الله يعوضج خير يا اختيه الحين انتي عقيتي استمري على حبوب فولك اسيد وان شاء الله تحملين حمل سليم يا رب
الله يعوضج يارب وعندج في دبي الكتوره زينب مركز الشنيار الطبي