السلام عليكم
شحالكم بنات؟
عندي مشكلة يا ليت تقدرون تساعدوني فيها
مشكلتي مع زوجي من ملجت عرفت انه يحب وحده ويبا يتخلص منها ومب عارف كيف
المهم وقفت وراه لما قال لي انتهى الموضوع.. وفي اسبوع العرس اكتشفت انه كلامه مب صج
طلع بعده على علاقه فيها ويكلمها .. ولما واجهته قال انا ابي انهي العلاقة وما راح اكلمها وصدقت.. وحلف يمين كذب ..سامحت وعدى الموضوع وانا حامل بمولودي الأول اكتشف انه
بعده على عهده القديم ودخلت اهله وحلوا الخلاف ووعد وانتهى .. بس انتقل من ذيج لوحده
ثانيه والله عالم وادرى اني مب مقصره عليه بشهادة الكل وكل مره اكتشف انه يعرف وحده
يعني ضاقت بي الدنيا والله احبه وما اقدر افارقه وهو طيب وحبوب وكل شي
بس ليش يسوي جيه كل مره بحجة الشيطان .. اذا بصبر كم بصبر واذا بشكي لمن بشكي غير
لربي.. احس اني عايشه بين نارين لاني قادرة اتركه ولاني قادره اروح لبيت أهلي
وولدي شو ذنبه يعيش من غير اب ..والله العالم بحالي حالتي النفسية تعبانه والدكتور مانعني
من الضيج وحالتي تسوء شو اسوي؟؟كيف اقدر اثق وكل مره يخون ثقتي؟
تجاهلي السالفه و ادعي له اكيد قلبج بيعورج بس عسى ربي يهديه و يأنبه ضميره
الله يعينج اختي انا ما اعرف بهالسوالف بس ادعي ان الله يهدي سركم
حاولي تتقربيين منه واييد وما تخلييه مول واي شي يحتاجه سويله وحالوي تعطيينه دورس وعظه,,
قولي له الله ما يرضى او قولي مثال وتنغزيينه فيييه هووه وقولي له كيف بجابل ربه وهووه,,
يخون حرمته دواها هاي الحرمه انه تخونه بس هااه ما تسريين تخونييه خلييج قويه والله فوق,,
حبووبه ما ينسى عبده واذكري الله وايييد وربي يفرج همج ياربي تك كير حبووبه ^_^
الله يعينك
الله يهديه
حبيبتي باين انه الريال طيب وحاطج في عيونه
بس عيبه الوحيد انه مو مستقر عاطفيا ،،
اصبري عليه يا قلبي ،، اصبري ،،
الحمدلله هو ما يسبج وما يمد ايده عليج وما يهينج مثل ما يصير ويا ازواج غير ،،
قربي منه وخلي علاقتج وياه من أحلى ما يكون ،،
سوالف وضحك وطلعات واهتمام وثقة وغيرة حميدة ،،
ربي ييسر امرج يا قلبي ويعمي عيونه عن غيرج