بنات الله يخليكم جاوبوني إذا تعرفون إختيه حامل وها شهرها
توه رجعت من عند الدكتورة وقالت لها الماي عند الجنين شوية بس
وتعالي الأسبوع اللي ياي بنرد نشيك وبنجوف وهيه واااايد متخوفة
قالتلي أنزل الموضوع يمكن حد مر بها الموقف يقدر يفيدها
بسرعة الله يخليييييييييييييييييييييييييييييييييييييييييييييكم
ما عليها شر ان شاء الله…اسمحيلي اختي ماقدر افيدج
بس يمكن اذا شربت ماي وايد يكون اوكيه
أختي قالولها نفس الشيء وبعدين سارت عند دكتورة ثانية خاص قالولها هو زانل صح بس مو بالدرجة غلي تخوف في حدود الطبيعي .. وخليها على تواصل مع دكتورتها وخاصة في الشهور الاخيرة والله يقومها بالسلااامة…
الشر ماإييكم والله أعتقد مافي وقت تتريا لأنها ألحين في شهرها وأنا سمعت أنه الياهل مرات يشرب الماي سمعتو عنه
الغالية لا تتخوف ولا شي .. أهم شي نفسيتها تكون تمام .. ترى النفسية تأثر على الجنين وعلى الولادة بعد .. خل توكل أمرها لله .. وتكثر من الاستغفار بس عشان الله ييسر عليها ولادتها ويقومها بالسلامة ..
وتمشي قدر ما تقدر .. مع اني ما أقتنع بها السالفة .. بس الدكاترة دوم يوصون بالمشي عشان تسهيل الولادة .. وخل تاكل تمر .. وتسأل دكتورة قبل لا تشرب زيت الخروع تحطه مع عصير وتشربه .. لأن استوت لي نفس السالفة في حملي الأخير .. وكانوا بيسوون لي طلق صناعي .. وفعلاً ترقدت في المستشفى .. بس الحمد لله بفضل الله ثم الاستغفار ودعاء الوالدة .. الله يسر الأمور .. ولا تنسى سورة الزلزلة أثناء الولادة والاستغفار ثم الاستغفار ثم الاستغفار .. وكل أمورها بتتيسر باذن الله ..
بس لا تسكت على عمرها .. الماي اذا قل عند الياهل ممكن يشكل خطورة عليه .. بس انتي لا تخوفيها .. طمنيها .. ولا تخليها تهمل عمرها .. تعب ها الشهور حرام الواحد يضيعه بكلمة الله كريم .. وخليها تسير مستشفى زين قد ما تقدر ..
والله يقومها والصغيرون بالسلامة 
مشكوووووووووووووووووووووووووووووورة إخت ميث والله أنج طمنتيني أنا مع إنه عندي 4 والحمدلله
وأنا جربت كل اللي قلتية وولاداتي الحمدلله زينه بس تعرفين قالو لها مول لاتمشي تمي طايحة
اختي انا كان عندي السوائل منخفضة تحت المعدل الطبيعي وبعدين تجيني الام في الرحم واخر شيء صدفة رحت عند الدكتورة وقلتلها وفحصتني جالتلي بنقعدج ساعتين بس بالمستشفى يحطون مثل الجلكوز بس ماي عشان ترتفع عندي معدل السوائل والحمد لله صرت بخير وبعد يوم وصلت الشهر التاسع ارتفعت عندي نسبة السوائل اكثر من المعدل الطبيعي فاحسن شي شربي ماي ما بياثر لانه كله بينزل مع الولادة والله يسهل عليج