السلام عليكم ورحمة الله وبركاته
أخواتي بغيت استفسر
كيف تغلبتن على اللوعة والقئ أثناء فترة الحمل .gif "13 (26)")
؟
وهل من شيء يخفف هالأثنين؟
.gif "12 (17)")
ويزاكم الله كل خير
الله يعنج والله ^_^
حبوبه انا كنت آخذ دواء مال اللوعه و ارتحت واااااااااايد عليه …
قولي جق الدكتوره و هي بتعطييييييج اياااااه…
قلتلها يا أم راشد وما طاعت!!
أونه فيه خطورة على البيبي ودام الأم بخير ما فيها جفاف تتحمل 
الله ايعينج وايسهل عليج
ليما الحين ما مريت بهالشي
ادعيلي الله يرزقني وراضيه بتحمل اللوعه والتعب
الله يرزقج ويرزق كل مشتهي يالحلوة
مشكورة
مشروب الزنجبيل يخفف اللوعه والغثيان
هاتي زنجبيل..ونقعيه في الماي 12 ساعه بعدين شربي منه بتخف عنج اللوعه
بس لا تخلينه يتنقع في الماي اكثر من 48 ساعه
واذا كنتي عيازة هاتي كوب ماي حار وحطي فيه زنجبيل طبيعي…مبشور …وخليه نص ساعه
وصفيه واشربيه…بس يكون ماي حار مب مغلي…
وان شاء الله تقومين بالسلامه
ترا اليوم سمعت عن هذا المشروب في الاذاعه