السلام عليكم ورحمة الله وبركاته
انا عندي مشكلة محيرتني هالشهر مايتني الدورة وطاف على موعدها 10 ايام واول ما انقطعت عني الدورة يعني بعد ماطاف موعدها في اليوم الثالث سويت تحليل بول منزلي بس طلعت النتيجة سالبة
وبعدها بيوم رحت العيادة وسويت تحليل دم وبعد نفس النتيجة سالبة. بعدين جاسني فضول ورحت عند الدكتورة اللي اتعالج عندها قلتلها انه الدورة مايتني من 5 ايام وانا ابي اشوف اذا مافي شي ثاني منعها مثل الكيس الوظيفي او تكيس. سوتلي التراساوند وقالتلي الحمدلله مافيج شي بس الرحم حجمة كبير ومايكون حجمة كبير الا اذا كان فيه حمل او قبل موعد الدورة بس انا الدورة طاف موعدها. المهم اني اطمنت انه مافيني شي مب زين يمنع الدورة وقالتلي اتريي اسبوع وسوي تحليل مره ثانية للحمل. بس انا سؤالي ليش تحليل الحمل اللي بالدم مايبين الحمل حتى لو كان طايف على الدورة يوم. انا محتارة مب عارفة هل انا حامل ولا لا وليش مايبين في تحليل الدم اللي دايما اسمع عنه صحيح 100% ممكن حد يفسرلي لاني واايد محتارة وخايفة احلل مرة ثانية وانصدم.
السموحه منج
السموووووووووووووحه اختي ما اعرف
الغالية احتمال عندج هرمووون الحليب مرتفع ….
لانه لو ارتفع تأخرت الدورة …انا من شهرين صار لي نفس الشي تاخرت وسويت تحليل دم وطلعت مب حامل وتاخرت تقريبا 9 ايااام ..
سوي تحليل هرمون الحليب .. وان شالله خير..
حبيبتي لا تستعيلن اصبري اسبوع واكثر واذا ما استوى لاسمح الله بيستوي عقب انا كنت مثلج اتخيلي كل ما تتاخر العادة اسوت تست وعقب اتضايق تميت جي لمدة ثلاث سنوات وانا من نفسي مليت من نفسي اتضايق واصيح وريلي ينازعني وودرت ها الشي وتعرفين شو اللي يحطيلي الامل ان الدكاترة يقولن ما فيني شي ومسالة وقت
الله يرزقج الذرية الصالحة….وبنات المسلمين
أختي جربي الفحص أول شي بالنهار قبل ما تأكلي أي شي يعني كأنك صائمة لأنه بيعطي نتيجة أفضل انشاءالله