السلام عليكم
طبعا في آخر الحمل البطن ينتفخ بشكل غير طبيعي
وصعبة حتى انج تشترين جلابيات وسيعة للعيد
لانه ما بتلقين المقاس المناسب اللي ما بيكون امبهدل عليج
فمن وين خواتي ناويات تشترون ثياب العيد
يا ريت تخبرونا عن المحلات اللي تبيع ملابس حلوة للحمل في الشهور الاخيرة
وبانتظار مشاركاتكن
مش حامل
لكن حبيت أفيدج
ليش ما تاخذين جلابيات شرقية
أو
إنج تفصلين
لأنه ملابس الحمل نادرة
::
هلا اختي..
انا بعد حامل وبكون وقت العيد في الشهر الثامن ..
انا عن نفسي فصلت مخاوير او ثياب
تقدرين تفصلين جلاليب او مخاوير او تنانير المهم تفصلين واذا بغيتي جاهز شي محل في ستي ستنر الشارجه في الطابق الثاني عدال اللفت بتحصلينه المشكله ماذكر شسمه كله خاص بثياب الحوامل
وشي ملابس في مذر كير بعد
وفي جلاليب جاهزه في السوق المركزي واسعه وحلوه مغربيه او مطرزه
بس انصحج تفصلين احسن وها شي راجع لج.. 
وبالتوفيج
::
الله يعين انا بكون فلشهر الثامن
بس قبل يوم حملت ويا وقت العيد عادي شريت لي جلابيه مافصلت واكيد بتحصلين مقاسات
بس اذا تبين خاص مال حمال ممم مادري والله
ان شالله اللي تعرف يتفيدج
مشكورات خواتي على المشاركة
بس بالنسبة للمخاوير والجلابيات الجاهزة ما بتكون مضبوطة على الجسم يعني بتنفخ زيادة ومب مرتبة
لانه جسم كل حامل يختلف عن الثانية
وانا جد مجربتنهن وفعلا مب لين هناك
كل وحدة وذوقها
بس احس القمصان الشيفون وااايد حلوة وراقية في آخر الحمل
وانا ادور اسماء محلات تبيع ملابس حلوة للحمل
وترى التغيير حلو بعد مب كله جلابيات وساع ومخاوير في كل مرة نحمل فيها
انا بكون في اخر التاسع واحتما رباي بيكون ف رمضان 22
الله يعين
والله من الحين سرت وخورتلي كمن وحدة وكثرت من الجلااليب العاديه
موليه مالي خاطر احس شكلي يفشل بالجرشه الحمدلله على كل حال
عدج حبيبتي اف برجمان محل ما احيد شو اسمه
ومذر كير ووو مول الامارت في بعد محلاات
بس ما اعرف الاساميوهذا عيبي ما احفظ الاسامي 
بس اذا سرت هالمور عشانج بحفظ اسم المحل وبخبرج
لول
الله يهون علينا انشاء الله
وانا بعد بكون في الثامن
بس انا جي ولا جي بطني دومه ما يبين
يعني عادي وانا حامل البس مخصر الكرشه تظهر اشوي بس
بس انا للعيد بفص مخاوير وباخذلي جلابيات احلى
والبدل لاحقين عليهم ^_^