حبيباتي وين افضل لعلاج الباطنيه ( فتق البطن والمناظير والقولون) الهند ولا تايلند ؟؟؟؟؟؟
احترنا حد يقولنا الهند وحد يقولناااا تايلند اذا حد منكم مجرب اسم المستشفى واسم الدكتور .. يخبرنا
ردوا علينا وفرجواا كربتنا الله يفرج عليكم كربتكم..
ويزاكم الله خير
من صرتج لين ركبج احسن دوله فالعلاج فرنسا
من فوق المانيا
المخ كندا و امريكا
العيون الهند
في دكتور في الهند في منطقة بومباي دكتور شاطر أسمه بانكا هو معروف
دكتور بانكا ،، دكتور شو بضبط ؟؟؟
وهل هو مجرب ؟؟ وف اي مستشفى موجود ؟؟
تايلند
اختي اذا على حسابكم السفر والعلاج فحلو علاج تايلاند في المستشفى الامريكي
أمي تسوي عندهم منظار للمعده والقولون وفالسنه مره تروحلهم لأن يطلعلها نفس اللحم زياده فلازم فالسنه مره تشله
المهم امي صارلها الحين اكثر من 3 سنين وهي تروحلهم وماقد اشتكت منهم تاخذ عندهم اسبوع تسوي فحوصات شاااااااامله + المنظار للمعده والقولون
وترجع وهي بخير وعافيه ولله الحمد
الهند واحد من أهلنا يروحلها عسب الكلى عنده يعالجها في بنجلور بس شو اسم المستشفى او الدكتور ماعرف
وحاليا قلع الهند ويتعالج في ألمانيا
ألمانيا وفرنسا اذا على حساب الدوله ترومون تروحون بس اذا على حسابكم تراها وااااااااايد غاليه خاوالي اثنينه تعالجوا في ألمانيا
وصرفوا اللي وراهم واللي جدامهم السكن والاكل والعلاج ومقابلة الدكتور كللللللللللها غاااااااااااليه ماشي شي رخيص
ماقصد انه تايلاند والهند رخاص لكن الاسعار معقوله على الاقل