السلام عليكم خواتي شخباركم
الموضوع مثل ما هوه مبين ف العنوان صار لي اسبوع ع هالحاله اعاني من حكة مب طبيعية تحت عليه هوه نفسه ماخليت شيء ماستخدمته من ماي وملح وخل تفاح وغسول وغيرت الملابس وكل شيء لكنها يوم عن يوم تزيد وماعرف شو اسوي والله مع العلم اني مب معرسة ف بليز اللي عنده خبره ف هالموضوع تخبرني والله ويزاها الله خير
بانتظاركن 
هلا اختي برد عليج عن تجربة
الحكة هذي نوع من انواع الالتهابات والفطريات ولازم المنطقة اتكون جافة وغيري الملابس الداخلية من نايلون لقطن وشربي ماي كثير واحيانا ينصاب فيها الناس الي وزنهم زايد ويحصل احتكاك بين الفخذين
والاشياء الي كرتيها ضررها اكثر من فايدتها لانها ممكن تتسبب بجفاف المنطقة جربي الي كتبتلج ياه واذا الحكة ماوقفت فلاحياء في الدين عليج بدكيورة النساء واياج اتاجلين لانج بنت والاتهابات ممكن اتضرج
رايي من راي مريم الفهد
اسال الله لكي الشفاء انصحك اختي بسائل BETADINE لتطهير المنطقة وتخفيف الالتهابات وابتعدي عن المطهرات العطرية لانها هي سبب الحكة ونشفي المنطقة بقماش خاص لا تكين اي بلل وان شاء الله المطهر بخفف عن الحالة والله اعلم
هلا اختي انا انصحج تشوفين الدكتورة
اذكر لما كنت في نفس موقفج الدكتورة كتبتلي على كريمة اسمه Daktarin كرتونه اخضر و ابيض
و حاولي تغسلين الملابس بماي الحار و كثري من شرب الماي و تنظيف الزايد للمنطق يصيب من هالشيء
الله يشفيج يارب
انتي تستخدمين carefree هالفوط اليومية ؟ في بنات يتحسسون من هالفوط
حبوبة راجعي دكتورة بتعطيج مرهم
وكثري شرب ماي والملابس الداخلية تكون قطنية
وانصحج شاي بقدونس