هلا خوااااتي كملت سنة بس اول الشهور الالم منسني نفسي وبيتي وريلي وكل شي ماكنت اقدر على اي حركة ابد الم فضيع قالوا لي عملية مارضيت خايفة من عملياتهم فمستشفى راشد دبي رحت اسوي حجااامة والحمدالله خفت الالام لكن بعده في اثر وعندي صار تنميل وتخدير فالارجل مادري شو اسوي حد ينصحني وين اروح بس مابي عمليااات بليز ربي يحفظكن ساعدوني
للرفع
مع العلم ان وزني زاااايد 116 وعندي الكرش جني حامل مرات اقول اذا خفيت وزني بيخف المرض علي طولي 166
اذا عرف السبب بطل العجب 
عزيزتي وزنج محتاج تصفية حسابات سريعه ياغاليتي لذلك انصحج تعالجين مشكلة الوزن
لن انا مريت بتجربة عرق النسا (مختلف تماما عن الدوالي) واثاره امن تعب وصعوبة مشي واﻷم شديد بالليل يصعب التعامل معه
وماياتيني الا باواخر شهور الحمل واحيانا بدايتها
شوفي عزيزتي الكعب العالي يفاقم هالمشكلة لذلك حلّي مشكلة الوزن عشان يصير عندج توازن في الضغط على الاعصاب
والي جربته فئتامين بي12 نفعني ولكن فترة مؤقتة
ولا ادري اذا في علاجات مفيدة لكن المواقع الطبية مليِانة نصايح بالتوفيق غاليتي
مرحبا اختي …
انا ياني وتميت كم شهر اعاني بعد الولااده موووول ما اقدر كنت اتحرك مووول كله قاعده واذا تحركت جهاد بالنسبه لي كنت استعمل مشد لمتطقة الحوض يريح ويساعد عل الحركه ودايما كنت اضرب ابر مسكنه ع لازلشان شوي اقدر امشي …
اللي ساعدني صدق هو المشي تميت امشي على السير الكهربائي والوزن الزايد وايد يزيد المشكله بدال العمليه نقصي وزنج عند دكتور افضل وها الشي اللي سويته وتخلصت من الالام ريولي الحمدلله نهائيا بس تجاهدين نفسج لانه عرق النسا معاناه والله يعينج
وشي حبوب مخصصه لها السوالف هي تسكن علشان تقدرين تمشين شوي وتحركين ريولج
الله يعافيج ويعافي كل مريض
نزلي وزنج الغلا وهوه نص العلاج
اشكركن خواتي ربي يسعدكن يارب