السلام عليكم
خوااتي عندي مشكله … الي تقدر تسااعدني اتقوول
اعاني من رائحه الفم الكريهه بس مافي اي مشكله في اسناان رحت العيااده وفحصت وقالي مافي اي مشكله ….؟؟
يعني شو اسوي واي عيااده اوررح انصحوووني …؟؟
للرررررفع
حافظي على تنظيف الاسنان
وفي وايد مص للفم وبجميع النكهات والعلوج بعد اممم وشو بعد
وبعد شي مهم لازم اكلج يكون صحي بعد
واذا مافاد راجعي مختصين يمكن المشكله تكون صحيه الي فيج
يمكن من اللثه اختيه ..
اتمضمضي ابماي وملح وشوفي ..
وامضغي ورق نعناع وبقدونس ..
ولا خذي حبوب الهال (الهيل) وامضغيها ..
ومثل ما قالت الاخت مصي حلاو بنكهات ..
السلام عليكم ورحمة الله وبركاته
فديتج عليج بالمسواك
اجر+ فوائد كثيره
^^
عزيزتي احتمال عندج مشكله هضميه بالمعده او القولون
ابتعدي عن الاكلات اللي فيها بصل وثوم والاكلات اللي تسويلج سوء هضم
ولو عندج امساك عالجيه واكثري من الفواكه و الخضروات
وبنفس الوقت استعملي فرشاة الاسنان والخيط يمكن عندج فراغان بين الاسنان وتراكم الاكل فيها سبب هالرائحه
ويوم تفرشين اسنانج فرشي لسانج بعد
واتعملي غسول للفم مو العادي
استعملي غسول عن الفطريات والبكتيريا (غسول بيتادين للفهم زين )لان ممكن الفطريات سبب هالرائحه خاصه لو لسانج لونه مختلف
سبب ثاني لرائحه الفم الكريهه التهاب اللوزتين والحلق والجيوب فلو حاسه ان عندج اي مشكله بهالناحيه راجعي طبيب مختص اذن وانف و حنجره
وسلامتج
انا انصحج بعد انج اتراجعين طبيب اذن وانف وحنجره