شو اخباركم بنات
ان شاء الله تكونون بخير و عافيه
بنات بليز ساعدوني
انا من 3 اسابيع تقريبا استوالي التهاب في اللثه و سرت عند دكتوره الله يسامحها و قالتلي لازم شوي اشيل من اللثه و اسويلج غرزه وحده في المكان اللي بقطع فيه اللثه و انا قلتلها اوكي
لكن بصراحه ما حسيت بأي تحسن بالعكس استوالي التهاب في اللوز بعد
اللي لاحظته ان في نفس الجهه اللي فيها المشكله استوالي انتفاخ خفيف في تجويف عظم الترقوه اللي هو الكتف
طبعا مت من الزيغه وسرت المستشفى و بعد ما فحصتني الدكتوره قالتلي ما فيج شي هاي بس العضله شوي مشدوده, مب غدد
وفي البيت يقولولي هذا يرر (جرر) اللي يستوي يوم الواحد فيه التهاب في اي مكان في جسمه
نسيت اقولكم اني سرت عند دكتورة اسنان ثانيه و قالتلي عندج التهاب شديد في المكان اللي سوولج في الجراحه و عطتني مضاد حيوي
لكن اختكم بعدها زايغه بصراحه و ابا اعرف هل في حد منكم استواله مثلي
وجزاكم الله خيرا
الله يعافيج أن شاء الله … ما تشوفين شر …
مرحبا
انا صار لي تقريباً مثلج بعد ما سويت عملية خلع
وبعد سوولي غرز .. ووتم ويهي وارم جم يوم
بس خذت مضاد حيوي بإنتضام وراح الحمدلله
بس الالم تم أكثر عن 3 أسابيع
لا تحاتين بيروح ان شاء الله
ومشان تتطمنين زوري دكتور معروف
مثلاً
عيادة السرور أو الاندلس
والله يساعدج
فديتكم مشكورين
بصراحه 24 ساعه مجابله المرايه و ادقق في عمري
ريلي يقولي دايما يا بنت الناس تعوذي من الشيطان و استغفري
و الحمدلله مداومه على الاستغفار
بس شو اسوي الشيطان شاطر مثل مل يقولون
الله يجزيكم الخير ان شاء الله
اختي سيري عند عيادة اوكي ومعروفة عشان ينصحونج