السلام عليكم ورحمة اله وبركاته
بنات حبيت أكتب لكم لأني أعاني من آلام في معدتي من ست سنوات في البدايه
طبعا قالولي القولون وفعلا فيني القولون ولكني مازلت أعاني وبشده من هذا
المرض كل أسبوع لي معاناه من آلام في المعدة صداع آلام في الضهر طبعا زاد
وزني .بنات الي يتعبني زياده اني كنت ألعب مع زوجي وأراكض وياه ونلعب ويا
اليهال لكن فجأه كسل خمول برود تعب حتى مافي شي اسمه مرح وزوجي يشفق
علي وايد أحيانا أشوف وزني زاد وشوف ريلي أقول حرام شكلي مب شي أكيد
ساكت و ما عايبنه !!! وأنا دايما أسأله واحليله كله ايقولي ما ايهمني هالشي
لكن أنا فعلا مرهقه وتعبانه من المرض وخاصه انه عندي اعيال يوم أفكر
اني بموت عنهم قسم بالله اتضيج الدنيا بويهي وأحس بألم بصدري اعيالي وين
بخليهم اصغار بعدهم أنا أعرفهم كل واحد غير عن الثاني كل واحد له معامله
خاصه اعيالي حبايبي فيهم :
العصبي
وفيهم الهادي
وفيهم المزوح
وفيهم الي مدلع عمره
يارب يارب أشوفهم اكبار بس عشان أرتاح ..
بنات ما أبى أطول بالموضوع لكن أخيرا بسافر الهند لكن أبى أسوي فحوصات
ويا دكتور ممتاز ومستشفى زين اذا أي وحده عنده معلومه لا تبخل علي فيها
وعسى الله يجزيكم الجنه .
الله ايخليكم لا تبخلون علي وآسفه على الاطاله
اختي الغاليه الله يعافيج ويعطيج الصحه والعافيه ،اولا الانسان دايما لازم يتفاءل بالخيرعلشان يلاقيه وهذا شي وصانا الحبيب عليه وثانيا انتي الي فيج احسن عن واااايد غيرج انا ريدج دايما تحمدين الله وتتوقعين الخير وتتفائلين وتحمدين الله على زوجك الطيب وعلى نعمته وتحطين في بالج ان عيالج الله وياهم والله حافظهم من كل شر وان هو خالقهم وهو متكفل فيه والاكرم والارحم عليهم والله يصبرج ويشفيج اما اذا بغيتي النصيحه انا انصحج تروحين المستش فى الامريكي الي في تايلد(بانكوك) انارحته مع ابو زوجي وامه ووايد ارتاحو عليه وشفت وايد ناس مرتاحين له ويمدونحه واايد وبعدين رخيص بس المهم التوكل على الله ثم الخلق(اختج ام محمد)والله يعافيج
الله يشفيج ..
الغاليه شي دكتور وايد اوكي ف الهند اسمه [ ناصر ] اميه امسويه عمليه قولون عنده ووايد اوكي لو تبين بعطيج رقمه =)
والسموووحهـ
مرحبا الغاليه والله يشفيكي ان شاء الله والله انا اسمع عمتي تتكلم عن الدكتور شاه بالهند و وايد تمدحه سالي عنه ان شاء الله تلاجيه وبسالك عن رقمه و عنوانه وبرد عليج
المشاركة الأصلية كتبت بواسطة بسوووومه 
أشكرج اختي أنا دايما متفاءله والدليل اني أكمل دراستي وشاده حيلي ويا اللعيال بس أنا حالتي مب مثل أول عزيزتي والحمد الله على كل حال ومن ناحيه المستفى الأمريكي راح أتناقش ويا ريلي بخصوص هالموضوع وفعلا أنا شاره مرورج والله يبارك فيج ويبقيج عزيزتي.
المشاركة الأصلية كتبت بواسطة عنب الغاليه شي دكتور وايد اوكي ف الهند اسمه [ ناصر ] اميه امسويه عمليه قولون عنده ووايد اوكي لو تبين بعطيج رقمه =)
والسموووحهـ
حبيبتي شاكره مرورج جدا بس حبيبتي أنا أبا أسوي فحوصات موضوع مرضي ما يتعلق بالقولون وبس . اختي أنا عمري 26 سنه وعندي ماشاء الله خمس أولاد وبنوته وحده والله العظيم اني أعاني فجأه ياني الضغط معني بارده وايد ومب عصبيه حصى في المراره وحصى في الكلى وغير ها كله آلام فضيعه في معدتي وظهري . صدقيني أختي أحيانا أفكر ان ما فيني شي وأقول يمكن عين أو حسد. المشكله اني عنيده وايد فهاي السوالف الي هي العين والحسد وكوني أسير عند مطاوعه وغيره ما أحب والله . أختي لو اتفيديني بس بإسم المستشفى بس أكون شاكره لج أكثر واسمحيلي اختي على الإطاله.
المشاركة الأصلية كتبت بواسطة أم منصور5 أشكرج أختي . شكلي بيمع المعلومات وبحشر ريلي . الله ايخليج اذا اتحسين انه اوكي ردي علي. عسى الله ايوفقج