سبرينغ رول بالجبن والعسل

ما ياخذ وقت

سريع ولذيذ

واللي تحتاجينه

كيس سبرينغ رول مربع ( الحجم الكبير )

بيض العدد 1

جبن مثلث ..

عسل

الطريقة

1- تكسرين البيض وتخلينه جاهز ,, لأن بالبيض نتحكم بتسكير أو لصق العجينه السبرينغ .

2- تحطين الجبن المثلث في نص العجينه .

3- تطوين العجينة أول شي بشكل طولي وبعدين بالعرض .. طبعا ما تنسين تحطين البيض بالفرشاة أو ملعقة صغيرة .. بس عشان يتلاصق .

4- عقب ما تخلصين من العجين .. تسخنين العجين باستخدام مقلاة بيض
(( انتبهي لازم من النوع الجيد اللي ما يلصق )) لأنج ما بتحطين أي شي ثاني ..
وتقلبينها على الجهتين لين ما يستوي ذهبي اللون .

5- تخلينها تبرد .. و تحطين عليها العسل

وهني و عافية

لا تنسوني من دعائكم الطيب

تشبه طريقه المـشلتت أشوووويه