السلام عليكم والرحمه
شحالكم خواتي ..
بدخل ف هالموضوع على طول
طبعا الكل يدري ان السنه الدراسيه قربت تخلص .. وفالكلية البنات شغالين ع البروجكتات وهالسوالف ..
انا تخصصي اديوكيشن .. وشهادتي بكلوريوس .. يعني غير عن باقي التخصصات اللي فالكلية
فالضغط والوورك اللي يعطونا اياه واااااااااااااااااايد
نخلص من بروجكت يعطونا واحد ثاني
ومرات ما نخلص من البروجكت وف نفس الوقت يكون عندنا 66 الف شغله لازم نسويها
احس اني ضايعه ماعرف شسوي !!
لما يعطونا وقت عسب نشتغل ع البروجكتات ااتم قاعده واجابل اللاب مب قادره اكتب شي
احس اني بنفجر من كثر الضغط اللي عليه
وفوق هذا مشاكل فالبيت
احس اني ماروم ,, حاولت اني اغير جو ,, (( اذاكر فالحوش )) ماشي فايده
سرت امشي وعقب رديت بعد ماشي فايده
ماعرف شسوي وهالبروجكتات لازم اسلمهم جريب واحس اني مب قادره اسوي شي
كله أأجل و أأجل
لما المس تشرح لنا شي اقول ف خاطري انا بسوي وبسوي
ولما المس تظهر احس مخي يقفل !!!
شسوي !!
اختي شدي حيلج ما بقى شي على الامتحانات وعقب غيري جوووووووووو من الخاطر
المهم الله يوفقج ولا تحاتين شي واذا مليتي من المذاكره يلسي قراي قرآآن او استغفري وانشالله تنفتح نفسج لدراسه 
الله يوفق الجميع انشالله
وادرسي عدل كلنا مرينا بهالظروف والظغط 
بس ايام حلوه كانت ما تنسى
فديتج انا مريت مثل مامريتي فيه
حمداالله خلصت الجامعه
ما عليج الا انج تتوكلين على الله
وتنظمين وقتج كل شي خصصي له وقت
ولا تخلين الوسواو انج مابتخلصين
لا فديتج المدرسين مابيعطونج شي ماتقدرين عليه
بس انتي لا تاجلين الشي لين اخره
كل شي باوله
وربي يوفقج
ختيه قسمي وقتج .. وسويلج جدول وحطيه جدامج
خلي فيه بريكات عشان ما تملين ..
وقولي تراه الا هالفتره وعقب بفتك .. واذا كان عندج
حد يشجعج بيكون افضل ،
لا تشغلين بالج في مشاكل البيت وحاولي تتجاهلينهن في هالفتره
الله يوفقج .. وشدي حيلج
الله يعينج
الغاليه انتي ابدي في الشي لااتمين تفكرين وتقولين وايد ظغط عليه أصلن بمجررد أنج تبدين خلاص
سوي جدوول وقولي اليوم بخلص هالبروجكت وعقب ببدا في شي ثاني وفكري انه خلاص مابقى شي
وبترتاحيين ،،، وبالتوفيق ياااارب
حاولي تسويين لج جدول وتنظمين وقتج ..
يعني مثلاً ساعتين تشتغلين عالبروجكت وبعدين ساعه او نص ساعه راحه عشان ما تملين
والله يوفقج ان شاء الله