الفوتشيني
الفوتشيني الدسم وااااااايد لذيذ ودسممممممممممممممممممممممم ( ينسف الريجيم نسف )
اليوم قررت اسوي على العشاء فوتشيني وهذي اول مره اجرب هالنوع من المعكرونه والطريقه ابتكرتها من خلال اطلاعي على وصفت كثيره للفوتشيني
يلا نبدا بسم الله الرحمن الرحيم والصلاة والسلام على اشرف المرسلين
الطريقه والمقادير : (خذوا الامور ببساطه في الطبخ كل شي قابل للزياده والنقصان اللي اتحبونه كثروا منه واللي ما تحبونه قللوا عاادي )
اولا شي نحمر على النار 3 حبات بصل كبار بشوية زيت ومعهم فصين ثوم مهروسين
نضيف الدجاج مقطع والمخلي من العظم ونواصل التحريك (دجاجه حجم صغير مقطعه )
البهارات اللي راح نستخدمها ( مكعبين ماجي وملعقه صغيره مليانه اوريغانو ورشة ملح وملعقه صغيره فلفل اسود وبزار)
نضيف البهارات للخلطه مع علبة مشروم مقطع
نخلط المكونات وانضيف لها حبتين فلفل اخضر بارد مقطع قطع صغار
نضيف مقدار كوب كامل من كريم الخفق الwipedd crem أي نوع المراعي مثلاونغطي على الخليط على النار مع التحريك من فتره لاخرى
ونبدا نسلق المعكرونه الفوتشيني بالطريقه العاديه
وبعد ما تنضج المعكرونه نطفي النار على الخلطه وهذا شكلها
الحين نخلط المعكرونه مع الخلطه
نحطها في صينية تدخل الفرن ونحط على وجه المعكرونه نص كوب من الكريمه وملعقتين كبار أي نوع جبن سايل وجبنة موزريلا
وهذا شكلها بعد ما طلعناها من الفرن
وهذا الصحن لاول وحده ترد
وصحتين وعافيه
يمممممممممممممم احسه لذيذ
بطبقه باقرب فرصه
تسلم ايدج ع ها الطبخه شكلها لذيــــــــــــــــــذ يبالي اجربها بس ممكن سؤال؟؟؟
شوه هو اوريغانو ووين احصله ف الماركت؟؟؟؟؟
رهيبه ماشاء الله عليج يا الغاليه بجربها يوم بيي بو الشباب من الدوام
عسوووله
حياج الله اختي من ناحيه انه لذيذ والله انه عجيب بس دسم جدا جدا
البطرانه
هلا بالبطرانه الاوريغانو يا اختي معروف باسم الصعتر البري تلقينه في قسم البهارات
amwaaaj
تسلمين اختي وبالعافيه على قلبيج وقلب ابو الشباب مقدما
تسلم يمناج الغالية ام خويلد يعطيج العافية ..