بناااات بغيت طريقة الخنفروش و يا ريت بالصور
ضروووووري
مممممم بالصور صعبه شوي فديتج
لأني بكتب لج الوصفه وانا في الدوام
كل وحده تختلف طريقتها في إعداد الخنفروش عن الثانيه
أنا طريقتي في عمل الخنفروش كالتالي
المقادير:
– كوبين طحين رقم 1
– بيضتين
– مقدار من الحليب السائل
– شوية خميرة
– شوية زعفران أو هيل مطحون حسب اختيارج
الطريقة:
نعجن كل هالمقادير مع بعضها البعض
على ان تكون العجينه شبه سائلة
يعني مب يابسه
وعقب تغطينها لمدة 20-30 دقيقه
نسخن الزيت بس ما يكون وايد يعني بقدر معقول
وتاخذين ملعقة أكل وتصبين الخليط بمقدار الملعقه
وتقلبينها لين ما تحمر على الوجهين
وعقب صفيها في صحن ورشي عليها سكر
هاي طريقتي أنا اللي بنفذها اليوم لزوجي الحبيب 
وبالهنا والعافيه
حسبي الله ﻻ اله اﻻ هو عليه توكلت وهو رب العرش العظيم ♡
الله يوفقج يارب 
بالعافية ….
سويها وخبرينا عن طعمها
الغالية شكراً على الطريقة والمقادير
لكن حبيت أسأل عن مقدار السكر كم ؟؟؟
رشه على الوجه حبيبتي
وما تحطين في الخلطه
سويتها البارحه
وريلي فديته أول مره ياكلها من إيدي
عجبته 