السلام عليكم ورحمة الله وبركاته
اخواتي الغاليات
انا متحوله بيت يديد وعازمه ربيعاتي ..
وانا تراني مب لين هناك ف الطبخ .. بس شاطره ف الحلويات
اما الاشياء الثانيه مثل ( الاكلات الشعبيه والموالح ما اعرف شي ) !!!
شو اسوي لربيعاتي .. ؟؟
عطني وصفات سهله وسريعه .. لاني محد بيساعدني وما عندي خدامه بروحي اطبخ واتعبل
شو اسويلهن ؟؟!!
يعني ابى اكلات سرييييعه وسهله ولذيذه ومنوعه من الموالح والاكلات الشعبيه والحلويات
ما اريد اتفشل عند ربيعاتيه !!!
ابى كل شي انا اسويه وما اريد اييب شي من برا !!!
ضروري حبيباتي بعد يومين العزيمه
ولكن جزيل الشكر والعرفاااااااان
في اقسامنا مواضيع واايد حلوة سواء باستا او عيش او برياني وشي مقبلات لذيذة
يزاج الله خير
انا محتاره شو اسويلهن
عطيني افكااااااااار
حبيبتى سويى لهم فطاير عندج عجينه العشر دقايق تقدرين اتنوعين فى الفطاير الى السينامون والى البيتزا اكثر من نوع وصدقينى بترتاحين
وتقدرين تسوين كاب الباف باستري وتحشينها بأي شي انتي تحبينه
انه باعطيج طريقت الحشو اللي انه احبها 
1بصل
نص فلفل اخضر الكبير
مشروم واذا حبيتي سوسج
فلفل اسود
ماجي
قيمر او كريمة حامضه
وكاس صغير جبن
تحمرين البصل شوي تضيفين عليه الفلفل الاسود وبعدها الفلفل الاخضر والمشروم والماجي وبعدها تضيفين الجبن القيمر او الكريمة وتخلطيه حتى يثقل شوي بعدا تحطين الباف باستري في قوالب الكاب كيك وتحشينها بالخلطه وتحطينها فالفرن وتشغلي عليها من تحت حتى يتحمر من تحت ومن بعدها وشغلي عليها من فوق وبس
وسوي مثل ماقالو لج فطاير بعجبينة ال10 دقايق
وسويت سوي شيز كيك تقدرين تسويينه من اليوم مثلا
وكريم كراميل
وسوي بيتي فور بطريقة المها اعتقد
بصراحه لذييييييييييذ
واذا طى على بالي شي باخبرج
ترومين مثل ماقالت الاخت تسوين فطاير ع بيتزا وسينابون
بعد عندج السويتات سوي كب كيك ع سنافر وطريقة الشيف شوكولاته بالوربات مالت عجينة الجلاش بعد رووووعه ماتتفوت والاكلات الشعبيه ترومين تسوين هريس وبلاليط
هلا حبيبتي
سويلهم معكرونه بالبشاميل
عندج عجينة ال 10 دقايق .. ترومين تسوين منها بيتزا ومعجنات مشكلة
سويلهم عرسية او هريس .. عندج خبرز جباب
لفي على القسم وان شاء الله بتلاقين اشياء وايد حلوة وسهلة