بنت خالتي مخطوبة عن حب
خطيبها يوم يزعل منها يجرح البنت يعني ما يرد عليها تعتذر ماشي فايدة يوم يرضى الأمور ترد طبيعي كله تمام .. هي ماتعرف كيف تتصرف .. أظن قام يأخذها ع ضمان أنها تحبه و بتراضيه. ..
الحينه هو يرد عليها بس مايتصل ويقولوا مشغول برد اتصل ومايتصل …
شالحل؟؟ صار له يومين زعلان
كيف تتصرف مع هالنوع من الشخصيات
انا قلت لها لا تتصلين خله يحس بيخسرج لأنه واثق انه بتتصل اكيد مطمن أنها بتتصل
تمت الموافقة
الكلمة الطيبة صدقة
اختي … بروحج جاوبتي على سؤالج …
هو ضامن انها تحبه و تراعيه … اختي هالنوعيات من الرياييل ما يتعاشرون و الحياة معاهم صعبة … اسألي المجربات … و تصرف مثل هالتصرفات يعكس شخصية و عقلية الرجل … و واضح من تصرفه انه صاحب عقلية غير ناضجة و طفولي … هالتصرفات ما يتصرفونها رياييل على ابواب زواج و الي لازم يكونون جاديين شوي و يتحملون المسؤولية … اذا من اللحين متعبها … بااجر شو بيسوي فيها ؟ خل تستخير مرة ثانية اذا ما ارتاحت … تخليه ع راحته … الحياة اهم و اقصر من ان نضيعها في محاولة ارضاء اشخاص مثل هالنوعية … هالنوعيات من البشر يعورون القلب و يضيعون الوقت و يجهدون الاعصاب … و فيهم نقص و يحاولون تعويض النقص الي فيهم بتعذيب غيرهم … بذمتج في واحد جاد للزواج يتصرف جذي ؟؟ والله انها تصرفات اطفال و تصرفات مخجلة تصدر من رجل … شنو حساس ما حساس … الحياة و الزواج اهم من هالامور … و الحب و التغلي و الحساسية لها حدود مب لهالدرجة المتعبة … خل تاخذ قرارها بعقلها قبل قلبها بعيد عن اوهام الحب …
الله يصلح امورهم
المشكله اذا كان عنيد ومبين انه عنيد فعلا
اذا طنشته بيطنش وبيتمون متزاعلين فتره طويله
هي عودته انها تراضيه احس ما بيتنازل انه هو يراضيها الحين
الله يهديهم ويصلح مابينهم
نصيحه قوليلها ما تتصلبه ولا تراضيه اذا السبب تافه
لا تتصلبه ولا تطرشله مسج لين هو يدق بنفسه
دامه يومين ماتصل ولا سأل (هو شرعا لا يجوز طبعا يتصل فيها وجي) معناته هاليومين يالس يسولف مع وحدة ثانية
الريال ما يحب خلال هالفترات يبتعد عن البنت اللي خاطبنها
بس دام هو ما يسأل يعني شايف له شوفه او هو طبعه جي
هي اللي بتتعب في النهاية مب هو