كثرة مرات العلاقة

مشكلتي مختلفة وحساسة واعتذر عن طرحها بس ما عارفة شو أسوي .
كيف أقدر أقلل من كثرة العلاقة الزوجية ؟ زوجي يعشق العلاقة ويطلبني أكثر من مرة في اليوم وأقل شي مرة يومياً وهذا يسبب لي التعب والإرهاق وصار عندي كذا مرة التهابات وتسلخات ودايماً أعاني من ألم الظهر والسبب مثل ما قالت لي الدكتورة عندي احتقان في منطقة الحوض بسبب التهيج والأثارة المستمرة . أضطر للغسل كل مرة طبعاً ومرات أأخر الصلاة عن وقتها .زوجي ما يتركني إلا ايام الدورة وبعد ما يرضى ينام معاي في السرير في هذه الأيام ! ,يقول ما يتحمل وما يقدر يمسك عمره ! وبعد ما أغتسل من الدورة يعوض المرات !!! . كلمته أكثر من مرة ولكنه يقول إنه يحبني علشان كذا يرغب فيني . وإذا قلت له أنا مرهقة أو تعبانة أو مكتبئة ,يقول لي : قلة ال….السبب !!
كيف أقدر أقلل من عدد المرات بدون ما يأثر على علاقتي بزوجي ؟ أنا أحبه هو زين معاي في كل شي إلا هذا الموضوع متعبني . يوم سافر عشرة أيام أرتحت وفعلاً يوم رجع رغبت فيه وكنت فعلاً مستمتعة معاه . ما أنكر إني مرات أكون راغبة في هذا الشي فعلاً بس مب يومياً ! صحيح نحن متزوجين 9 شهور الحين . وما صار حمل بعده .
أستحي أسأل حد عن هذا الموضوع المحرج وقرأت وايد عن هذا الموضوع بس ما حصلت الحل . في حد منكن مرت بهذه المشكلة ؟ شو أسوي ؟ وصلت لمرحلة إني أفكر أطلب منه يتزوج من ثانية علشان يخف عليَ!
آسفة مرة ثانية لو كان الموضوع محرج .

عقب شوي شوي بيخف هالشي من نفسه