السلام عليكم..
خواتي اليوم موضوعي فضفضه نوعا ما
عمتي قالتلي كلمة حزت فخاطريه
انا و ريلي يالسين جان تقول عيال هالايام مافيهم خير حق أهلهم وكله حق حريمهم ونحن اللي تعبنا عليهم
بس ما يقولون شي حق حريمهم مسوينهم يا دهينه لا تنكتين! صح عيالي ما يقصرون ويايه بس مادري ليش جيه وايد زينين حق حريمهم وامدلعينهم..
قلت معقولة عمتي تتضايج لأن ولدها زين ويايه وعلاقتنا حلوة ويحبني واحبه! كل أم تتمنى سعادة ولدها
وانا بعد مب مقصره ويا ريلي ولا وياهم
والله أحبهم شرات اهليه واهاديهم وكل شي عندي اخبرهم
طبعي اللي في قلبي على لساني وما ازعل من حد
ولا يوم قلتلهم كلمة. اتزعلهم أو اتغثهم و دوم اوصي ريلي عليهم
فديتج لو كل كلمة بتنقال بنشل فيها راسنا جان طول اليوم حضنين المخدة ونصيح طنشيها الله يهديها واطلبي من ريلج يبرها ما تدري وش نفسيتها في ذيج اللحظة وانتي بعد توددي لها على شان تحبج
كلام اسيرة صحيح 
صدقيني انها بتسكت في حاله وحده 
الطيبه مع العمات ماتنفع للاسف مهما كنتي زينه وياهم بيظلون ينغزون ويجرحون ومايعيبهم شي
مرااااات العمااات يغارن ليش الولد يدااااري حرمته اكثر منهااااا من جي مرات يتحسسن عاااادي طنشي لو تبين تعيشين سعيده. وبالتوفيق
لو مكانها بغار 
حبيبتى عمتج حرمة كبيرة وسبحان الله الى لاحظته احنا نكبر واهلنا
يكبرون تحسي محتاجين للكلمه الحلوه والبوسه والحضن
اكثر مما نكون احنا محتاجين ومو لازم ريلج يعبر
عن مشاعره جدام اهله خليكم رسميين جدام
الاهل وربي يسعدكم طول العمر
ويعينا وياكم على البر