السلام عليكم و رحمة الله
عندي مشكلة وحابه اعرضها ……
متزوجة من ثلاث سنين وعندي بنت وحامل
قبل سنه فتشت في تلفونه مسكت شي عن ماضي زوجي واغلب اللي شفته رسايل قبل زواجي وفي بعد زواجي بس بحترام و واجهته وقالي كله ماضي والحين ماعنده شي واحسسس يمكن صدق ما عنده شي بحكم شغله وقعدته وياي في البيت
انا مرتاحه وياه ومب مقصر وياه احسه سيدا ف شريت راحه بالي و ما قمت افتش من وراه بس ها فتره ومع نفسية الحمل ردت لي شكوكي واحسه خاين اسوي قصص في راسي واصدقها و ازعل منه بلا سبب وبدون دليل ويوم يظهر عند ربعه ابدا اشك فيه و ازعل مع انه ما يطلع للربعه الا مرتين او مره في الاسبوع
واحسه عارف اني شاكه فيه ف يقولي دايما يوم يشوفني معصبة والله ما سوي شي يزعلج وانه ربي يشوفه وانه يخاف ربه ومن ها الكلام
احس اني عايشة في تناقض اشك فيه للجنون وفي النفس الوقت ادري انه ما يسوي شي او متاكده انه مب ملحق لو ناوي
نفسيتي دوان مع الوحام والحمل والشك ذابحني وما اريد اخرب ع نفسي واخرب بيتي بسبه شكوك يمكن ما تكون صحيحه
كيف اقدر ارد ثقتي فيه بدون لا افتش وراه
هي فترة الحمل فترة عصيبة جدآ
ويآبخت اللي تقدر تسؤي كونترؤل ع مشاعرهآ ..
اختي تعوذي من الشيطآن وﻻتخربين حيآتج بيدج
لو تم حآس انج شآكه فيه عادي يرد لنفس الدرب
بيقؤل هي جي وﻻجي بتشك !
هآ ماضي وانتهى خلآص احين انتي وبنته كل حيآته
اختي الله يرضا عليكي استهدي بالله واتعوذي من الشيطان هد الشيطان بده يخرب بينكم ديري بالك زوجك باذن الله ان صاينك ومخلص الك ابعدي هاي الشكوك عنك هاي كلها من تاثيرات الحمل حافظي على بيتك ولا تخربيه بايدك وخلي نفسيتك حلوة حرام عشان البيبي لان النفسية بتأثر عالبيبي
الله يعينججججججج اختي ..
عادي حبيبتي هذا من الحمل
شكلج تتوحمين فيه
انا جي مع ريلي اذا بس قالي اشربي حليب اسوي قصة وضرابة
قوليله تحملني بس لين اخلص وحام وان شاء الله يرد كل شي طبيعي
عشان ما يطفر من عصبيتج ويقدر ويتحمل شوي
واذا يتج هالافكار السودة اتوعذي من الشيطان
والله الريايلي ماعليج منهم المشكله احنا اللي نسامح وقلوبنا طيبة على قولته االريال مايعيبة شي لو كنتي حرمتة او لا هذ الفكرة براسهم اللي يخون مرة يخون اكثر عن مرتين انا اعرف ناس تصلي ومحافظة بس دم الخيانة فقلبهم ودمهم خذ قاعده مهم سويت اللي فراسه بيسويه .. بيقولج لا وزمان وانتي ماتسوين ظفرهم ومن هالكلام انا اخترتج انتي بس كلام وشبعنا منة .. لاتعورين قلبج انسي وطبيه مرض الشك مافي علاجة ابد .. امي علمتني شي واحد لاتصديقن اي ريال مهم كام حتى لو كان ابوج وريلي خذيها قاعده ماعليج انج تسوي واجباتج وبس
للتغلب عن وسواس الشك بالتقرب من الله
قوي علاقتك بالله أكثر لا تتركي الذكر والآستغفار والقرآن كل يوم بهم تحل كل المشاكل وتصرف عنك وساوس الشيطان وتحصن نفسك وبيتك