هلا بنات عرسي بعد اسبوعين . ماعرف شو ابا بالضبط ههه خطيبي يقولي انتي مقصرة وياي من ناحية الكلام الحلو بما اني اقوله احبك وجي بس يباني اشجعه فشغله او مثلا يقولي يوم اعصب اباج تهديني من هالكلام الحلو بس تراني ماعرف هالسوالف واكتب فالجوجل كيفية التعامل مع الزوج واقرا كتب بس بعد ماستفيد شي ابا وحده تفهمني شو اقوله ولاشو اسوي
اختي اكيد شايفه مواقف تعلمي منها هي مب جمل بالنت وتحفظينها
عامليه مثل ما تعاملين ياهل او اخو او ابو ومع الايام بتتعودين
والكلمة تيي من الموقف
الاهتمام اكثر تعبير عن الكلام
يعني شو فايده تساليه حبيبي اش فيك وانتي مب مهتمه ولا حاسه باللي تقولينه
خلج على طبيعتج
اول شي الف الف مبروك مقدماً
عادي اختي تصرفي ع طبيعتج
قولي اللي تحسينه في قلبج من احساس
اللي يطلع من القلب يدخل القلب اسرع
تراني اعامل مثل ما انا وماحب ادلع وايد وجي وماعرف هالسوالف الرومانسيه وايد حتئ لو احاول ادلع وجي احس عمري غلط بس هو يعيبه بما اني صغيرة عمري 22 وهو يدري بعد اني ماعرف فهالسوالف فيقولي ادخلي النت واقري وفي اشياء استفدت كيف اسوي حركات رومانسيه وجي بس من ناحية الكلام لا هههه وحتئ استحي اقوله حبيبي فالفون
مشكوووورين اخواتي ماتقصرون
بعدكم في اول المشوار
معا الايام بتتعودى عليه يعنى المهم المهم خلى لسانج يتعود على
مدحه والغزل فيه
يعنى مثلا ابسط شى لو اخذ لج بطاقه شحن قولى مشكور ياعمرى
ماتقصر يا تاج راسى يااارب يحفظك لى
وربي يسعدكم للبعض
المشاركة الأصلية كتبت بواسطة قلب الكندي 
عادي اختي تصرفي ع طبيعتج
قولي اللي تحسينه في قلبج من احساس
اللي يطلع من القلب يدخل القلب اسرع
