بنات انا دايما افكر و اقول ان نحن نطرح مشاكلنا و نرد على البنات و نقرا عن الليالي الرومانسية و عن الزواج و غيره، حد استفاد من هالقسم؟ كل وحدة تكتب تجربتها او مشكلتها اللي انحلت و السبة البنات.
انا ببدا انا وايد استفيد من مواضيع البنات اللي يسوون حركات و هدايا و ليالي رومانسية و ادعيلهن لاني اطبقها في بيتي و ريلي يسالني ويقول لي من وين لج الفكرة .
و بعد احيانا يوم اطرح مشكلة معينه ، البنات يعطني حلول و احيانا انا اكون معاندة في شي معين بس يوم اقرا ردود البنات و خاصة المتزوجات اغير رايي و احس مشكلتي تهون في عيني ، فانا اشكر كل وحدة ساعدتني .
يلا دوركن، كل وحدة تكتب تجربتها او مشكلتها اللي انحلت و اذا ما انحلت اكيد ارتحتي بمجرد ما انج كتبتيها.
و ان شاء الله موضوعي يعجبكن.
انــــــــــــــــــــــــــــــــــــــــــــــــ ــــا صــــــــــــــــــــــــــــــــــــــــــــــراح ه استفدت واااايد
عــــــــــــــــــــــن الـــــــــــــــــــــــــــــــــزوج وعـــــــــــــــــــن البيـــــــــــــــــــــــــت وعــــــــــــن كــــــــــــل شـــــــي
والحمــــــــــــــــــــــــــدللــــــــــــــــ ــــه
انـــــــــــــــي تعلمــــــــــــــــــــــــــــــــــــــت الــــــــــــــــــــــــــــــــشي الزيـــــــــــــــــــــــــــــــن والســــــــــــــــــــــــــــنع
وصراحه اشكر كل الاخوات لى فالمنتدي فديتهن والله مايقصرن حسسونى انى انا اشكي لخواتي واطلعن هن خواتى صدق
انا عن نفسي ما استفدت شي وماقد طرحت مشكله في هالقسم مع اني مطيحه هني بس صدق تهون مصايبنا من شوف مصايب غيرنا وتحسين عمرج سخيفه لوكان شي تافه مضايقج بالنسبه للبلاوي اللي البنات يكتبونها والله يفرج ع كل مسلم ومسلمه يارب
المشاركة الأصلية كتبت بواسطة اخت بوحميد 
عــــــــــــــــــــــن الـــــــــــــــــــــــــــــــــزوج وعـــــــــــــــــــن البيـــــــــــــــــــــــــت وعــــــــــــن كــــــــــــل شـــــــي
والحمــــــــــــــــــــــــــدللــــــــــــــــ ــــه
انـــــــــــــــي تعلمــــــــــــــــــــــــــــــــــــــت الــــــــــــــــــــــــــــــــشي الزيـــــــــــــــــــــــــــــــن والســــــــــــــــــــــــــــنع
وصراحه اشكر كل الاخوات لى فالمنتدي فديتهن والله مايقصرن حسسونى انى انا اشكي لخواتي واطلعن هن خواتى صدق
و انتي بعد اخت غالية و وجودج يفرحنا ب المنتدى
هلا اختي
انا مثلج دووم اسال نفسي في حد يستفيد من هالقسم؟؟
بس يووم بديت اتفاعل مع البنات اللي عندها مشكله واللي تبي حل واللي تجول احلى المواقف تمر عليها,,,,,
احس نفسي منهن لانه مرات ينطرح موضوع واكون مريت فيه واحس فيه من قلبي واتفاعل معها القا نفسي اكتب لها واحاول اساعدها,,,
وتعيبني ردود بعض الاخوات لحل اي مشكله تمر فيها اي اخت ….بتلقين الرزينه وبتلقين المتعصبه وبتلقين اللي تطنش وما يهمها غير رايها وبعد المتعاطفه وماشالله كلهم ما يبخلون عليج ابدا بالنصح والمساعده
واحب حركات الصبايا لغرف النوم وكيف تهدي ريلج او تسوي سبرايس له ودايما احط اورقه والقلم يمي واكتب اي فكره تكون موجوده لانها اكيد بتفيدني وريلي يتخبل عالحركات اللي اسويها والفضل لكن خواتيه العضوات
بصراحه توسع فهمي لبعض الامور الحياتيه والسبب منتدنا الغالي
والسموحه سويت لكم تعبير بس حبيت اقل لكم اللي فخاطري
ولكم مني فله,,,,,,,,,شمعه,,,,,,,,,,,,,منوره
وآلله القسسسم وآيد حلو وفيه اشياء مفيده للكل ..~
بس ياريت يسووون قسم خآص بالمشاكل ..