السلام عليكم ورحمة الله وبركااته
شحالكم حبيباتي ؟
وشوعلومكم ان شالله تمام ..
حبيت اتناقش وياكم ف موضوع يمكن اغلبكم بيقول مكرر والبعض الاخر بيوافقني الراي !
حبيباتي كلناا لاحظنا انه كثرت المواضيع ف القسم عن المشااكل الزوجيه ، المشاكل بين الاهل ، المشاكل بين اهل الزوج ، المشااكل بين الربع ، حتى لدرجة انها وصلت يين الخدم و و و و إلى النهايه !
مشكلتنا نحن مانواجه هذي المشاكل بالصبر ولا الدعاء ولا الالحاح لرب العالمين ، لازم بالضرابه وبالصيااح وبالتهديييد وبالزعل وبالضييق
ليش ماتحطون فبالكم انه الله فوووق ؟ واذا دعيتيه ان شالله مابيخيب دعائج
ليش تلجئين لحد تشكين له غير رب العالمين ترا الشكوى لغيير الله مذله ؟ خلي شكوااج لرب العالمين بس مب لحد غييره هو الي قاادر انه يخلصج من هالمشاكل كلها
اصبري الصبر مفتاح الفرج
شوفي مصيبتج بالنسبه لمصايب غيييرج هونيها وتهوون الدنيا ماتوقف على مشكله وحده
كوني عاقله اتصرفي هاك الوقت بعقلانيه فكري بعقلج وليس بقلبج 
.حبيبتي ياللي تشتكيين من انه زوجج اتزوج عليج لاتدعين عليه ولا تنزلين دمعه من عيوونج
بس افرشي سيادتج وارفعي ايدج لربج وادعي واصبري الله قال «اصبروا وصابروا ورابطوا واتقوا الله لعلكم تفلحون» ادعي انه الله يهدييه ويرجعلج مثل اول واحسن لا اتعبين عمرج فالنهايه انتي بتخسرين صحتج ونفسج كوووني اقوى من هالشي الي استواالج وان شالله ربج مابيخيب ظنج فييه.
والي تحس انه زوجها بيخونها او يخووونها ليش انتي بعد ماتلجئين لرب العالمين بالدعااء ؟
ليش تشتكيين لغيييره وهو الي قادر انه يخلصج من هالوسااوس الي ممكن انها فيوم تخرب بيتج !
واللي اهل زوجها مايطيقونها ولا يسولها سالفه انتي بعد سالفتج بسيييطه وتقدرين تحلينها بأذن الله ..
ماعليج الا الصبر والدعاااء ، حاولي تكسبينهم بالكلمه الطييبه والمعامله الحلوه
واعتبري عمتج الي هي ام ريلج مثل امج وعامليها بالمثل وانتي ماأجوره باذن الله
واللي ماعندها ربيعااات واتحس انه ربيعاتها كلهم ربيعاات مصالح ، حبيبتي الدنيا استووت كلها مصالح اصلا بغض النظر عن فئه معينه حاولي ترابعيين البنات الزينات لنه فالنهايه انتي بترتاحين من صداقتهم ماعليج من البنات الي يقولولج انتي امرابعه مطوعات ترا اعرف وايد بنات من هالنوعيه !
وفالنهااايه اتمنى من كلل وحده تواجهها مشكله ماتشكي لحد الا رب العالمين وتحاول تحلها من دون مشاكل ..
والله يبعد عنكم المشاكل يارب
اختكم .. نوودي
المؤمن ماله غير رب العالمين
العفو حبيبتي ..
والله صدقتي في كل كلمه قلتيها
يزاج الله الف خير
وفعلا اذا الله معج مين عليج ؟! محــد
الله يجعلنا من الصبورين ^^
العفو غاليااتي
اللّهم إني أعوذ بك أن أشرك بك وأنا أعلم وأستغفرك لما لا أعلم
اللّهم إني أعوذ بك أن أشرك بك وأنا أعلم وأستغفرك لما لا أعلم
اللّهم إني أعوذ بك أن أشرك بك وأنا أعلم وأستغفرك لما لا أعلم