طويلات العمر اليوم زوجي خبرني اني ضيفة عندة

طبعا ماعرف شو بخبركم من صدمتي السالفة (اليوم رميت شوية اثاث مو عاجبني في البيت وماخذ مكان وبيتة اهوة مو كبير صغير ) دخل ساعة ثمان جان يزكرني وين هذا وين ذاك انة خبرتة رميتهم عاد اهو يكولي شو انتي يحرمة على كيف كيفج تتصرفين كل شي في البيت انة شارية ..انة طبعا تميت ساكتة لين يخلص وفي الاخر ايكولي (خلي في بالج انة الحرمة اهية ضيفة بيت ريلها )
وانة اختكم انصدمت عا ماخليت شي ماطلعتة وخليتة بيجوف هند ثانية مو باانة من حرتي
بربكم هذا كلام انا ضيفة (يمكن عادي عندة فيوم يكولي يالة شرفتونة ولة مع السلامة ) استغفر ربي احسن من كل شي

اختي الغاليه
انا مع ريلج
مايصير تفرين الاغراض من غير شوره البيت بيتكم اثنينتكم يعني لازم الراي مشترك

مثلا شورايك حبيبي نغير الاثاث او نتصدق به اذا هالشي مايزعلك لاكن تصدمينه وتفرين كل شي ويتفاجا لا مب وياج ابدا

ماعليه الغاليه اصبري عليه

وربي يعينج عزيزتي

اممممم يمكن هو كان يحب هالاغراض المفروض تشاورينه لو الاغراض مهمة بس حصل خير يمكن كان معصب راضيه بكلمتين وبيهدى ^_^

مثل ما قالن الخوات البيت لكم اثنينكم ولازم الشور لكم أنتم الأثننين مع بعض أحسن .

ولا تلومينه ع اللي قاله في لحظة غضب يمكن صج اللي فريته من الأثاث له مكانه وذكره غالية عنده.

حبيبتي لاازم تحفظين ريلج وبيتج وتشاورينه في كل صغيرة وكبيرة

الله يسعدج عنووني

الله يصلح البال