السلام عليكم
بدخل فالموضوع على طول
عزيزاتي … ربيعتي اليوم الصبح مرمستنها وايد مضايقه من ريلها والسالفه ان ريلها يعاملها اوك والحمدالله بس فيه عيب واحد كله يقول لها انج مبذره مع ان البنت ما من النوع الى تبذر عاادي
ولا من اصحاب الماركات .. ااعرفها وكل ما تكون مناسبه وتقول بروح اشتري ااغراض يعصب … وياخذها وتشترى بس يكون هو ماله نفس … المسكينه تقولي الى يقهرني صج انه يصرف على اهله اكثر منها واخر شي يقول لها انتي مبذره 
ومخلصه راتبي
هي تقولي والله ما حارمني من شي بس من اقوله ابا اشتري ملابس يعصب او نعله الله يعزكم اوشنط .. يتكهرب من هالاشياء هههههههه <<<< غريبين هالرياييل
بنات شو اقولها المسكينه مضايقه حتى كانت تبا تروح تكمل اغراض العيد اليوم والصبح مع السؤالف فتح نفس السالفه انتي مبذره ومخلصه راتبي وقعدت تصيحواهي تكلمني ومارضت تروح السوق
ويقولها اشتري الاشياء الى تحتاجينها وللاستعمال مب لزينه يعني نعال او نعلتين يكفونج ليش 5 و6
بليز ياريت تحصلون لها حل معاه على عشان رلها يخلي هالطبع .. او كيف تفهمه ان هي ما تبذر وهذي اغراض عاديه وكل بنت تاخذها … والى ماعندها رد لا تنسى ترد لو بدعاء ….
صرآحه مآدري شقولج الحمدلله ماشالله ما مرت عليه ها الحاله !! ..
بس يمكن ربعيتج صدق من النوع المبذر واللي يشتري وايد وما يحس .. او يمكن ريلها ما يشوفها تستهلك الاشياء اللي تشتريهن !؟؟
الله المستعاان00عزيزتي الرياييل مثل ماا قلتي غريبين 0
وأناا اعرف وحدة كان حالهاا نفس حاالة ربيعتج لكن بعد ما اشتغلت وارتااحوا
مادياااا هي وزوجهاااا ودر هالكلمه والعصبيه 00لكن مااا عودته يشل يده عن مصروفهاا
ومصروف عيالهاااا00خليهاا تتحمل وتصبر عليه وتتفاهم معاه على رااتب شهري لهاا0
واذا ضروفهاا تساعدهاا ادور وظيفه تسااعد ريلهاااا والتعاون حلو0
الله يسخرهم لبعض ويسعدهم ياارب
الحمدالله حالتهم الماديه ماعليهم قصور وهي تقولي اشتري بالمعقول يعني اهو يشوف تشتري الى تحتاجينه بس
حرام تغمضني تقولي انا احب البسله واكشخ حقه … واهي تعرف ان عنده بس اهو متعقد من هالثلاث اشياء ملابس ونعله وشنط ….
الله يعينا من هالرياييل ….
الله يسعدها ويسهل عليها ..
وهذي مشكله بسيطه وتنحل ان شاء الله بس يباله يلسه مع ريلها وتتفاهم معاه وتقوله هي شو تحس يوم هو يرمس جذه
والله يسعدها ^ــ^
كم صـرلها معرسه ؟؟
اذا توها اكيد فقرره العرس
او يمكن الريال تكون عليه ديون وهي ما تعرف
اقساط السياره البيت يعني هالسوالف ………..
تحاول تدبرلها مصرف ثاني
يعني يوم يعطيها مصروف تخبي شوي ولا تشترك بجمعيه ..
وتمشي حالها , وتحاول تفهمه ترا هو اذا من النوع الي مدلع
عمره ويشتري ويحوط فالمولات بيكون عارف الاسعار وفاهم الوضع
بس يبا يعلمها الاقتصاد وانها ماتكون مبذره
ترا اذا عودها ع الدلع بتتبطر مابيرضيها اي شي عقب عرفتيه
سياسه هي ..
لكن اذا ما يخصه ما بيتقبل ..
هني هي تحاول تفهمه
والله يسر امورها ويسعدها يارب ^^"
يزاكم الله خير على هالردود يا خواتي … وانا ان شاء الله بخبرها 