لحياه مليئة بالسعاده و المرح

اكتب الكم هذا الموضوع لاني شفت وااايد بنات يشتكون من بعد ازواجهم او تجاهلهم لبعض

و يكون الجوو ممل من بينهم و ان شاء تستفيدون مني و تحلى ايااامكم يا رب ..

و بعد للبنات اللي ما يعرفن كيف يتصرفون بحياتهم اليديده و مثل ما تعرفون في بعض البنات ما عندهم خلفية قبل العرس فحبيت اني اساعدهن ..

و انا ما بطول بالموضوع عسب لا اتملون مني المهم اتبعي ها الخطوات
و لا اتقولين بأجلها ليوم ثاني ابتدي من اليوم من الحين بعدين لا اتقولين كنت و كنت بسوي

( لا فات الفوت ما ينفع الصوت )

ها كله لمنو ترى لريلج حبيبج ابو عيالج مالج غيره هو سندج هو كل حياتج ضحي بحياتج كلها
عشانه ترى انتوا واااحد اذا انتي مستانسه يعني هو مستانس اذا كنتي دوم متكدره هو بيتكدر بعد و اعرفي انه

مفتاح السعادة بايدج انتي ..

انتي تقدرين اتسوين العجااايب صدقيني لا تترينها من ريلج ..

اولا :

الريال ما ايهمه الجمال بالبدااايه لااااااااااااااااابد من الاخلاااق الاخلاق يا خواااتي

لا اطولين لسانج عريلج مهما كان خاااصه وقت الغضب ترى ها الشي الوحيد
اللي دوم يذكره الريال و يتم يذكرج فيه و يعايرج انج قلتي جذه و جذه الزمي الصمت
عسب لا اتكبرين السالفه

اذا ماا رمتي اطلعي من المكان سيري الحمام أي شي المهم يهدى اشوي و عقب اتفاهمي
و لا اطولون بالزعل يوم كامل لا سيري راضيه حتى لو انتي زعلانه صدقيني بتكبرين بعينه
حبيه هو و اهله حتى لو اهله ما ينحبون لا تشتكين اله وااايد منهم ادعي و بس ..

ترى الشكوى لغير الله مذله …

ثانيا : الجماااااااال

كلكم احمدوا ربكم لان الله خلكم بأحسن صوره و كل بنت الها جمال ماشي وحده مافيها جمال

حتى الوحده اذا قالت انا مب حلوه اكيد شي فيها حلو مثلا خشمها او ابتسامتها او عينها الحمد الله

على النعمه لا تتحسفين على نعمة ربج في غيرج متلعوزين بالتشوهات و الاعاقات و انشوفهم باحسن حااااال ..

اكشخي لريلج ادلعي له لا اتقولين انا دبه ويهي مب ويه كشخه الحمد الله الدوله مب مقصره

حتى الاكس اكس اكس لارج موجود ما تتعذرن بالاثياب و اذا ما حصلتي شي خياييط ..

المهم خليج كل مره بلوك و حتى لو الريال ما يحب او ما يجامل ابراااااايه لا تيأسين خليه يتعود
ع المناظر الحلوه ^_^ و بعدين هو بيسألج ليش ما اتعدلتي اليوم فيج شي ..؟؟

تعرفون عاد الريايل يوم يتعلقون بالشي ..

هذاا الجزء الاول بنزل الجزء الثاااني اذا شفت تشجيع منكم

و عاااد هالله هالله بالاردووود الحلوه تراااني وااايد تعبت فيه

و الله يوفق الجميع و يسعدكم

أختكم ..

سمو الحـب