السلام عليكم ورحمة الله وبركاته…
اشحالكم….!
والله ماعرف من وين ابدا…أنا وااايد استحي من الناس ..وأحس اني استويت انطوائية والسبب اهلي لانهم مايظهروني من البيت ..واذا بنطلع نرووح بس عشان نشتري او انكوون في السيارة …حتى اعراس نادر مانرووح ..والله لو مب الجامعة جان تخبلت من يلست البيت مليييييييييييت …
انا اعرف انه اهلي نااس طيبين ويحبووني ويخافون علي وانا بعد احبهم وااايد ومافكرت اخونهم يووم من الايام …بس انا حالي من حال البنات الي في عمري ابا اطلع واروح مولات وسناتر ..والله 18 س عمري مادشيت الموول الا مره يووم كنت في الاعداديه وعن طريق المدرسة …لانهم ماخذين فكره انه المولات بس حق المغازلجيه ..
حتى في العيد مازرت حد ولارحت اسلم على حد …حتى ساعات اقوول انا كيف بعرس وانا محد شاافني خوالي وخالاتي لو شافوني بروحي برع البيت مابيعرفون اني بنت اختهم ..حتى اسمي مااعتقد يعرفونه ..!
انا الحمدلله حلوه بشاهدة الكل ..وربيعاتي مستغربين انه محد خطبني رسمي …ماايعرفون السبب ..وكمن وحده خطبتني حق اخوها ..بس اعتذر لهم بحجة الدراسة وطبعا ها مب السبب الرئيسي السبب اني استحي اكلم اميه واقوول لها هالشي …
ملييت من يلست البيت ساعات اقوول في خاطري لو كنت ولد ..استغفر الله ….>.<
الحمدلله على كل حال ..
بنات ادعوا لي اعرس واخذ واحد كله يظهرني @_@…مليت من يلست البيت ..والله ملل ..
بليززز لاتجرحوني بالردود يقولون عني حساسة زيادة عن اللزوم o_O
الله يرزقج الزوج الصالح عاجلا غير اجل
ويكتب لج التوفيق في حياتج
اللهم امين
فديتج والله
الله يرزقج بولد الحلال الي كله يطلعج وان شاء الله بتملين من الطلعه
بالعكس اهلج يبون يحافظون عليج ..
بس مب لهدرجه انج ما تزورين ارحامج وهلج
الله يهديهم ويستر عليج خيتو ويرزقج
الله يكون ف عونج الغالية مالج غير الصبر انزين ماعندج اخوان وخوات كبار رمسيهم دخلي اي حد ف الموضوع لاتحطين ايدج ع خدج وتسكتين والله يسر لج امورج
المشاركة الأصلية كتبت بواسطة صدى احاسيسي 
ويكتب لج التوفيق في حياتج
اللهم امين
آمين يارب تسلمين حبيبتي على المرور الطيب والدعوة الطيبة
المشاركة الأصلية كتبت بواسطة شماسي88 الله يرزقج بولد الحلال الي كله يطلعج وان شاء الله بتملين من الطلعه
الله يسمع منج ..
تسلمين الغاليه ..الله يعطيج الف عاافيه ^^